睇维密内衣骚同Gigi Hadid自拍　Heidi@SG：好多嘉宾都未必影到

过往曾到访米兰，出席时装周的Super Girls成员李静仪 （Heidi），日前获美国殿堂级内衣品牌Victoria's Secret邀请去纽约睇内衣骚。这个内衣骚都是每年的城中盛事，除了云集多位外国超模行Catwalk，更有多位重量级歌手献唱，而首次置身其中的Heidi直言未出发先兴奋。

为了跟偶像近距离见面，事前Heidi已做足“功课”，计划了一个集邮路线图。她趁开骚前走入后台，成功跟Gigi Hadid、Bella Hadid及Kendall Jenner集邮，Heidi直言相当幸运︰“我去到后台，见到佢哋准备行骚，竟然好大胆走过去问可唔可以影相，能够同三位超模影相好好彩，因为有好多嘉宾都未必影到，所以我影到相系好幸运嘅一件事。”

Heidi亦大赞三位超模样靓身材好，而且还nice到爆，除了Bella跟自己一起“嘟咀”合照，她还表示︰“我本来问Gigi可唔可以影相，佢唔止答应，之后仲拎我部电话自拍，真系好开心！”

此外，Heidi还透露平时爱储不同款式的内衣，坦言家中有近50多套︰“不过只系着畀自己睇，有好多系因为靓就买咗，仲未着过。”她还笑说︰“细个时睇到model行骚好靓，好想大个后都可以行内衣骚，不过长大后就冇呢个勇气，唯有系屋企对住块镜行畀自己睇。”