Super Girls学整月饼　Aka重提中秋伤心事：劲Dry

日前组合Super Girls作客TVB娱乐新闻台节目，与主播许文轩〈Edmond〉齐齐制作中秋月饼，几位大赞师傅后生靓仔，制饼过程中笑料百出，五位成员更分享过往中秋节趣事。成员Heidi直言最爱吃奶黄月饼，她说：“有一年食咗好多个，足足肥咗十磅！”Jessica说：“上次演唱会之后，我哋做gym做上瘾，所以唔怕食，好快减得返。”而Aka则分享过往中秋的伤心事，她说：“有一年中秋正日，同屋企人去黄金海岸沙滩赏月，但去到沙滩，我爸爸妈咪仲有阿妹同佢男朋友两pair各自行咗出去，净返我一个人睇咗袋，成件事好唔浪漫。”

不经不觉Super Girls五位成员已相识七年，她们直言改变不少，Aka说：“我地好似老夫老妻咁，有好多野大家都直接讲，唔使客气。”Cheronna说：“谂返起初初相识，公司要我地五个联谊增进感情，其中一个Schedule系要我地排完舞后食饭唱K，我地心谂咩行程嚟，排完舞宁愿休息下啦！”现在五人一见面即鸡啄唔断，过程中更互爆秘密，她们直指Aka为最Dry的成员，因为曾有相士指Aka五十一岁才会结婚，而Jessica被众人认为是最快生儿育女的成员。