【周游东京2】独家花絮！ “日本旦哥”私传周奕玮烚蛋秘技
撰文： 黄欣华
出版：更新：
“品酒师”同“品油师”大家都就听得多，但“品蛋师”又听过未呢？周奕玮（Jarvis）主持的旅游节目《周游东京2》最新一集就带大家一间鸡蛋专门店，餐厅除了有多款不同的鸡蛋任均选择之外，主厨更加是一名拥有资格证书的“品蛋师”，名副其实是“日本旦哥”，他更私下教授Jarvis一招烚蛋的秘技，他亦将其所学，独家向《香港01》读者分享。
节目最新一集以“究极的美食家”为主题，Jarvis解释指：“因为日本有好多对食材好严谨的狂人，好似今集讲炸虾嘅大厨，餐厅除咗净系有炸虾卖，虾都有唔同嘅品种同级数，而且个大厨每次都将个虾头整得干干净净，唔容许有任何虾身上面的炸粉同面包糠沾到虾头，先肯落镬炸！炸都要炸咗啲脚先，好似啲虾喺只镬度游水咁，佢哋觉得咁样会炸得更加分明，对食材的态度好疯狂，令我好佩服。”
+6
海老フライ専门店 海老昌
地址：东京都 渋谷区 道玄坂 2-22-6 CREA道玄坂ビル B1F
烚蛋要好味？ 要留意有效日期
而“日本旦哥”亦有私下教Jarvis烚蛋的秘技，他透露：“原来蛋的有效日期同你煮只蛋有好大关系，好似平时我哋煮嘅烚蛋，佢话好多人都以为煮‘蛋料理’越新鲜就越好，最好就系只鸡啱啱生出嚟就即刻攞嚟用，但其实品蛋师就话只蛋越近有效期，唔系过期㖞，𠮶啲蛋攞去烚先系最好味，个蛋白嘅弹力先会越弹口！”
Jarvis亦有听“日本旦哥”讲解日本人的灵魂食物──T.K.G.（生鸡蛋盖饭），他称：“旦哥话要品尝鸡蛋最美味的方法一定系T.K.G.，因为鸡蛋冇经过热去改变强的味道，所以最能够食到蛋黄嘅香，所以就整咗T.K.G.放题。呢间食店，一到放饭时间就会有好多人去食，好犀利！”真系估唔到，食只蛋都咁有学问。
喜三郎农场
地址：东京都文京区千石1-23-11
+2