【周游东京2】炸物食极唔腻？　周奕玮私心推荐炸蚝笋店

周奕玮（Jarvis）主持的旅游节目《周游东京2》又点少得带观众食尽东京呢？昨晚播出的第二集，Jarvis就带大家品尝炸物，当中除了有一间店是Jarvis直言是今辑CP值最高外，Jarvis更私心推荐《香港01》读者一间炸蚝专门店。

众所周知，食天妇罗一定要新鲜热辣先好食，但通常要食即叫即炸都唔会平得去边。但Jarvis在节目推荐位于东京平民住宅区一条商店街内的天ぷら定食 まきの 武蔵小山店，师傅不单止在大家面前即叫即炸，而且价钱只系¥1090（约港币75元），相当超值，Jarvis更表示：“我觉得系好抵同好正，因为𠮶度大概有八件的天妇罗，有虾、新鲜嘅鱼同埋蔬菜，咩类型都有，个鸡蛋仲好坚，一食会爆晒啲汁出嚟。师傅喺你面前即叫即炸，炸完即摆上台俾你食，呢啲服务大家可能谂喺银座一啲高级嘅地方先有，所以呢度CP值真系好高，所有食材都好新鲜，而且天妇罗师傅好用心去炸，你直头睇见佢啲手指已经贴晒油获，所以我个人认为呢间系今辑CP值最高的一间餐厅。”

天ぷら定食 まきの 武蔵小山店

地址：东京都品川区荏原3-8-5 1F

另外，东京第一炸猪排专门店亦是全日本炸猪排第二名。店舖除了选用精选猪肉，更加是现点现炸。

成蔵

地址：东京都新宿区高田马场1-32-11 小泽ビル地下1F

另一间的炸鸡专门店是持续7年拿下最高金奖，走过路过大家都唔好错过！

元祖 中津からあげもり山学芸大学店

地址：东京都目黒区鹰番2-8-21 プロヴァンスG・U审美馆 1F

至于Jarvis私心向《香港01》读者推荐的是一间专食炸蚝专门店，位于人形町的三友。Jarvis更无奈表示：“我哋都好想做，不过因为蚝唔当造，拍摄𠮶阵未有得食所以去唔到。”Jarvis更以拳头来形容这间店的蚝：“呢间唔系平时𠮶啲得一只嘅炸蚝，佢系用好多只蚝捞埋啲蛋汁一齐炸，由4只至15只不等。所以一咬落去，只只好甜，𠮶种口感系好唔同，个size仲成个拳头咁大而且价钱都好合理，冇记错都系千几円。”

三友

地址：东京都中央区日本桥人形町 1-10-8