【周游东京2】周奕玮推池袋隐世海鲜丼　镜头背后原来有洋葱

周奕玮（Jarvis）主持的旅游节目《周游东京》赢尽口碑，节目再添食《周游东京2》在今晚（5日）播出。Jarvis除了继续钻竉钻罅 为观众介绍贴地又鲜为人知的美食，更加会为大家订立多达20个的周游主题，与观众结伴玩尽东京的隐世旅游热点﹗首集的主题是“一集限定”，Jarvis解释因为上一辑的放题、海鲜和抢衫均受到观众喜爱，所以会以“旧主题新景点”的方法为大家发掘更多新资讯。

当中，一间隐世海鲜丼是Jarvis学生时期的回忆兼重点私心推荐，他透露：“みなと 西池袋其实系一间位于池袋的鱼生饭店，当年我每日由屋企行去池袋火车站返学𠮶阵，都一定会途经呢间舖头。𠮶阵时，一个人喺𠮶边读书唔系好多钱，可能一个礼拜预自己食饭钱都系千几円，讲紧嘅系晚饭，因为晏就会喺学校食三百几円嘅便当。所以，𠮶阵晚饭都系预一餐四、五百円左右或者会买吓𩠌返屋企自己煮饭，唔会预自己使好多钱。但你去日本就梗系好想食鱼生，路过就觉得好吸引，但就冇咩机会可以入去食，有时想奖励自己一餐，周末间中都会去食个lunch。”

为了与观众分享自己学生时期回忆中的味道，Jarvis一心想到这间小店拍摄，但当工作人员越洋打电话去约拍摄，却遭到拒绝：“其实呢间店系由一对老夫老妻经营，当时听到我哋想拍，其实老公系OK，但老婆就唔畀，所以拒绝咗我哋，𠮶阵我都觉得好可惜。喺拍摄节目嘅时候，我同摄制队就特登抽咗一日嘅时间去食一次，谂住过去亲自打声招呼，想睇下有冇机会可以介绍到，当然都唔想强人所难。一开始都系想食个饭，坐一阵。但食到咁上下嘅时候，我就同个老板娘倾偈。之后，佢就问我点解会想拍摄，咁我就同佢讲咗我呢个当年留学嘅故事同自己做节目嘅理念，好多时其实食一间舖头唔系净系食佢个味道，有时系想食佢𠮶份人情味。倾到最尾，我九十度鞠躬讲咗句多多指教，估唔到佢听到眼湿湿， 之后老板娘就话俾我呢份精神打动到，就应承俾我哋拍。”Jarvis更称老板娘透露小店一直拒绝任何的传媒采访，但最后觉得大家的理念相同，所以就破例接受《周游东京2》的采访。

みなと　西池袋

地址：东京都 豊岛区 西池袋 1-37-12 ロサ会馆

另外，为了弥补上一辑的小小遗憾，Jarvis决定重返亚洲及日本第一个大型攀登景点Muscle monster进行拍摄，他笑称：“其实上次已经想拍，但遇着东京大风雪，去呢度嘅路结晒冰，所以去唔到，一直都觉得好遗憾。今次等咗十个月，加上知道再返东京拍嘅时候就觉得死都要去，挑战一次。最终，就将佢放系第一集，虽然呢个唔系回应观众诉求，但系我自己想完咗上一集嘅心愿，系我私心摆落去。”

相模湖 RESORT -Muscle Monster

地址：神奈川県相模原市绿区若柳1634番地

而Jarvis亦徇众要求，承接在上辑的100円服饰放题，再次挑战另一间500円的服饰放题，每位参与者获分一个纸箱，限时5分钟内把抢到的衣服塞进纸箱内，塞到几多得几多，相当过瘾。

土桥商店

地址：东京都中野区沼袋1-13-6

石川县产的Ruby Roman被形容为日本葡萄界的爱马仕，最贵卖到110万円（约港币76,796）抽，接近港币3千元一粒，但有Jarvis喺大厅，大家唔洗惊，这间店迷你杯装Ruby Roman，只要百几蚊就可以一尝这款天价葡萄的滋味。Jarvis笑称Ruby Roman是吃过味道最复杂的提子，皮爽肉甜，吃后还带点红酒味回甘。

Sun Fruits 东京（Midtown店）

地址：东京都 港区 赤坂 9-7-4 东京ミッドタウン ガレリア B1F

本格炭火焼肉　武蔵

地址：东京都中央区银座7-2-20 パシフィック银座ビル 4阶