【跳跃生命线．专访】罗天宇入行10年31岁先开始冲：最紧要而家醒

有著名演艺人在主持节目时就曾经说过：“试下Google自己个名，睇头几个关键词就知你系咩人。”试著Google搜寻罗天宇的话，第一个相关关键词就是“女友”，第二个是“身高”，第三个是“背景”。当然，还可能会出现一些关键词，例如陈滢、Coffee、汤洛雯、苟芸慧等，可能也会有“马子仁”，但就绝少会见到最近播放的剧集《跳跃生命线》。老实说，罗天宇由2008年入行10年至今，剧集作品又真的寥寥可数。“叫得出名”的，其实只有《爱·回家》的“马子仁”。

浮沉10载，就连罗天宇他本人都认为自己冇斗心：“我承认㗎。但系喺30岁之后，尤其系接到呢个角色。突然之间觉得，好似真系要做返啲嘢咁样，真系要醒啦。所以𠮶时拍呢套剧嘅时候都几大压力嘅，生白头发吖，瞓唔到觉吖。到真系拍完之后，就觉得自己好似真系实践咗啲嘢㖞。监制会讲：‘有几场真系做得几好。’或者编审都会讲：‘你做到我想你做𠮶样嘢。’当佢哋对我有呢啲认可嘅时候，特别有满足感。”

我觉得我系白老鼠啰。

“我阿妈成日都迫我锡佢㗎，出门前都要钖一锡佢。”罗天宇与弟弟、妈妈自小感情就当相之好，在他拍摄《跳跃生命线》要节食减肥期间，妈妈在忙碌工作之外更在亲自下厨煮爱心饭盒给他。罗天宇形容自己与妈妈之间的关系，他笑言：“好Close嘅，但系我觉得我系白老鼠啰，好多嘢都会试咗喺我度先。”

罗妈妈对罗天宇“爱护有加”“我阿妈以前管得我好严，一放学一定要返屋企。试过唔返屋企就报警。（你去咗边？）去咗同学屋企玩咗2，3个钟，佢真系逐个打去我朋友屋企揾我。”罗天宇忆述：“中学嘅时候佢连篮球场都唔畀我去。因为𠮶时篮球场比较杂，佢就一口绝对：‘唔得，你唔可以打篮球。’我就冇打篮球，但系我好钟意打篮球。后尾又唔系好畀我出街，可能系咁，我就变得好内向，自闭少少，又钟意自己一个。”无独有偶，《跳跃生命线》中，谭Sir（罗天宇饰）与杰仔（何广沛饰）与现实中的罗天宇两兄弟，亦是在截然不同的环境下长大。他像是在拍抱怨的说道：“我细佬去到我𠮶个年龄，我阿妈就觉得：‘哗，佢（罗天宇）性格咁内向嘅，唔掂㖞！’所以我细佬去到中学就畀佢去打篮球，有一次去台湾仲带咗细佬去Disco见识。”罗天宇的内向性格，不多不少也因妈妈的教育而成。

罗天宇系“裙脚仔”？“我系好听我阿妈话，基本上我阿妈系帮我管理晒所有嘢，基本上佢讲咩我就做，所以我就冇咗一个自主能力。我觉得我个人唔够独立啰，当然人大咗就好啲。（即系裙脚仔？）我又唔系裙脚仔，我只系听佢讲话，又唔系一日去到会‘阿妈前阿妈后’，只不过我有好重嘅尊敬态度。”罗天宇自言，小时候事无大小都由“阿妈”安排，去外国读书又或是回流香港也是“阿妈”的主意。“香港先生都系阿妈帮我报名，帮我填好仲交埋。”“佢而家真系入咗队蓝球队，我就要出嚟做嘢之后先可以打返蓝球。”31岁的罗天宇约有170cm高。罗天宇成为了妈妈的白老鼠这么多年，会否觉得不公平？罗天宇苦笑说：“冇办法啦。我细佬而家劲高啰，唔知系咪同打蓝球有关。”唔知道罗妈妈睇到罗天宇咁讲，又会唔会扭佢耳仔呢？

“裙脚仔”终于著返条牛仔裤古语有云：“男人三十而立”。但今年刚好30岁的罗天宇已经错失2次“上位”好机会，20岁参选香港先生获得少年组冠军是其一、因《爱·回家》饰演“马子仁”其二。30岁而立之年才在演艺圈“起步”又会不会太迟呢？罗天宇舔了舔嘴唇，想了一想，说道：“其实蚀就蚀咗㗎啦。我觉得系一个过程嚟，冇办法嘅，最紧要而家醒啫。同埋我𠮶时唔系冇努力嘅，只系团火唔够大啫，冲嘅时候唔够冲啰。”

黎耀祥由1986年入行，直到2008年44岁时，才凭著《秀才爱上兵》的“戴从文/戴从武”夺得TVB的最佳男配角，历时22年。相比之下，罗天宇在31岁才正式起步，其实一点也不算迟。2018年罗天宇在事业上尚未有收成，但爱情上就有“女神收割机”之称。嗯，可能这亦是网民对他又爱又恨的原因。跟他合作过的女星几乎都传过绯闻，最新的的绯闻对象还是女神陈滢...访问按此续看：【跳跃生命线．专访】罗天宇系女神收割机？ “公开都因为认真”

Wardroble：Ted Baker