【跳跃生命线】再见马子仁！　罗天宇：真系有人叫我谭Sir

罗天宇今日（23日）与一众《跳跃生命线》剧中演员跟学生进行篮球友谊赛，天宇坦言自己在运动方面比较弱：“以前中学嘅时候我妈妈觉得篮球场好杂惊我学坏，跟住就唔畀我打波啦，所以后尾佢就觉得‘点解我个大仔唔系好高又唔太外向呢’，于是就叫我细佬去试多啲打多啲篮球，所以我细佬而家高我半个头。”

剧集播放后大受欢迎，最近人气急升，社交网站粉丝更冲破10万大军。天宇为答谢大家支持，特意在社交网站上载拿着结他自弹自唱的片段献给粉丝，发现他原来深藏不露！他称一直都有钻研唱歌技巧：“我自己都会上网Search下啲Turorial教唱歌，学下点发声咁。如果观众反应好，会再学好啲，再试下摆多啲唱歌片上网。”他也表示妈妈快将生日，希望可以自弹自唱作礼物送给她。

天宇表示最感激的就是听到很多人都叫他做剧中角色“谭Sir”：“终于唔系马子仁喇，真系有人叫我谭Sir！（开始脱离马子仁的形象？）少少啦，但头先都有几位学生家长‘嗨！马子仁’，哈哈，希望慢慢有多啲唔同嘅角色啦，咁人哋就会认得我系罗天宇！”