【嫁到这世界边端2】患脊柱侧弯受情伤　港女罗马散心遇波兰真爱

英国尤金妮亚公主（Princess Eugenie）早前在婚礼上刻意露出她背部的疤痕，望鼓励和她一样曾受脊柱侧弯困扰的年青人。TVB话题性十足的真人骚《嫁到这世界边端2》，最后一位登场的波兰人妻嘉莹亦同样患有脊柱侧弯，她更在节目中提到，曾因病被多年暗恋的男仔嫌弃！

曾任空姐的嘉莹在十三岁时诊断患有严重的脊柱侧弯，虽她曾做过一次大型的手术矫正，但将来会否复发，甚至造成行动不便，都是未知之数。她更坦言有不少男仔都曾介意她的病，她称：“我试过一次，暗恋一个好多年嘅男仔，佢竟然约我出街。当时好开心，有一次佢就约我去游水。但我妈咪同我讲，佢话如果你想认真嘅，想同佢一齐就唔好去。我就话唔怕如果接受到就接受，早啲知好过迟啲知，之后照去咗，就冇咗下文。”

在一次失恋之后，嘉莹与闺蜜去罗马旅游期间，在青年旅馆邂逅现时的波兰老公Peter。三个月后，Peter就来港时竟然立即向嘉莹求婚。当时嘉莹向Peter坦白病情：“识咗我老公之后，我一开始就同佢讲，我做个手术可能随时会行到路同做唔到嘢。佢就话又唔系去市场买猪肉拣边旧靓，佢完全接受我，佢好无私好伟大。”

嘉莹接受《香港01》访问时，就透露自己曾经历过比节目中提到更惨痛的失恋，她讲到：“最难忘系有一个男仔，系上网识。第一次同佢见面嘅时候，都冇讲到自己身世，冇讲到咁深入，佢唔知我背脊有事。之后，佢就疯狂追求，我哋都好快一齐咗，佢都知道我背脊有事，但唔知系咪呢个原因，当时大家感情都好好，讲到去结婚，又睇楼开始做准备。但突然就因为一件小事同我分手，呢件事对我打击都好大。其实，最终分手嘅原因都唔清楚，佢冇讲到。”

对于这个病，乐观的嘉莹就坦言已经是自己身体的一部分，她更称：“唔知系咪一种心结，我一直都唔想俾一啲先天性嘅嘢去阻碍到自己，唔想因为我背脊系咁样，而注定我做唔到空姐，我好在意呢啲嘢。我好想靠我嘅努力而去得到一啲嘢，而唔系我未努力已经唔得。我依家已经好接受呢样嘢，呢个病已经成为咗我一部分。”