【嫁到这世界边端2】神秘的法罗群岛　六大你未必会知的冷知识！

“如果你不喜欢现在的天气，便等五分钟吧！”港女Belle与法罗群岛老公Rani这对新婚夫妇在TVB真人骚《嫁到这世界边端2》向大家介绍这个座落于北大西洋，位于冰岛同苏格兰之间的隐世小岛，引起不少观众好奇！法罗群岛除了天气变幻莫测，全年有三分之二的时间都落雨外，其实还有不少冷知识，当中一定会令你眼界大开。

1. 牛奶会加入维他命D

性格外向又热情的Belle不时在社交网站分享生活点滴，她曾上载一段法罗群岛冷知识，讲到：“由于法罗群岛成年都系咁落雨，好少时间有阳光，国民平日会吸收唔够维他命D，个人会容易攰。所以牛奶公司喺低脂牛奶入面会加入额外嘅维他命D，等国民能够吸取足够营养。”

2. 全岛冇监狱

Belle又在自己建立有关法罗群岛的中文网站上，提到更多有关法罗群岛的冷知识。其中，她提到法罗群岛是没有监狱的，如果有人犯案便要送到丹麦的监狱。但Belle就透露法罗群岛的人都好友善和诚实，她称：“我最钟意呢度嘅人，好友善同好诚实，呢度出街唔使锁门。返工都好轻松，做唔晒老细会叫你第二日再做，冇咩压力。”

3. 不会距离大海超过五公里

身处法罗群岛，Belle称：“你不会有一刻距离大海超过五公里。”它由十八个岛屿组成，法罗嘅意思是羊，法罗群岛只有五万人居住，羊只则有八万只，是名副其实的羊之岛。

4. 所有树都是移植过来

而且当中最特别的是法罗群岛上的所有树竟然都是从其他地方移植过来，主要来自阿拉斯加和智利的火地群岛。

5. 全岛只有五盏红绿灯

当中Belle就觉得全个法罗群岛只有五盏红绿灯，令她觉得最有趣。她笑言：“因为成个法罗群岛同香港差唔多大，但得五盏灯。（揸车唔洗睇灯系咪好方便？但要睇羊，啲羊无啦啦会走出嚟。”

6. 捕鲸文化亦存在

而问到Belle最不喜欢法罗群岛的事，她就坦言是捕鲸：“我冇见过捕鲸，但就见过捕鲸完，将鲸鱼放晒喺地下。（系咪好反对呢样嘢？）反对呀！因为其实以前交通未咁发达，鲸鱼系岛上居民嘅主食之一，咁我都理解。但而家咁发达，真系无需要再捕鲸。但有啲人仲坚持呢种传统，但其实好多后生仔都唔钟意，希望不久将来会消失啦！”

Belle更称由于法罗群岛的生活方式与香港相差甚大，自己都花了很长时间去适应：“法罗群岛同香港真系好唔同。呢度冇咩餐厅，就算有亦都好贵，变咗好少出街食。平时亦都冇咩娱乐，静英英咁。但我钟意尝试喺唔同地方生活。以前都喺德国住过一年，但咁无话要住死一世架嘛，觉得人生感受过唔同地方嘅风土人情都系好好嘅体验。所以食物同娱乐上嘅唔同都可以接受，但最唔惯就系少咗屋企人同朋友喺身边，会挂住佢地。”