【跳跃生命线】淋巴化验属良性　刘佩玥：医生话可能会唔好

无线剧集《跳跃生命线》一众演员今日（23/10）出席在将军澳举办的“跳动青春 合作无间”活动为剧集宣传造势。刘佩玥在剧中饰演一名电单车救护员，往往需要率先到场冷静果断处理伤者。Moon透露早前与陈滢结伴行街时，碰巧有人意外受伤，并即时上前协助：“我𠮶日将车停泊好之后，行行下突然听到一把男人声惨叫，然后跟住听到有小朋友喊声，原来有个三岁嘅小朋友喺楼梯意外撞爆咗眼角，成面都系血，当时佢爸爸都好方寸大乱，我咁啱拍紧呢套剧集，突然救护员上身，立即用我之前所学到嘅嘢发挥出嚟，我好果断咁叫佢爸爸要保持冷静，首要抱个小朋友到客户服务中心然后报警，当时个小朋友不断咁喊，我就同个小朋友讲：‘一阵爸爸就会同你去医院，记住要听哥哥姐姐话，如果你继续咁喊，爸爸会好担心，然后我就叫小朋友跟住我做深呼吸，佢真系跟住我做，佢之后真系冇喊，虽然我唔系一个真正嘅救护员，但我只能做到就系安抚伤者嘅情绪，旁边嘅陈滢仲话我：‘我见到个天使呀。’”

此外，阿Moon早前身体不适入院，经医生诊断气管淋巴出现问题，淋巴核化验结果属于良性：“医生话我免疫系统失调，可能工作时间长唔够时间休息，所以俾啲病菌入侵咗，一开始嘅时候自己都紧张到喊，我仲未结婚同生仔㗎，唔想咁快就有事，因为照到有三粒淋巴核黐埋左一齐，医生都话有机会可能做变成癌症，好在发觉得及时，系属于良性，而家我中西合璧去治疗，希望可以快啲好返。”