【嫁到这世界边端2】法罗群岛搭直升机好普遍　港女：政府有资助

TVB真人骚《嫁到这世界边端2》今晚播出的最新一集，港女Belle除了会继续分享自己与法罗群岛老公Rani简单而甜蜜的新婚生活，还会继续带大家探索这个隐世小岛。Belle在节目中讲到法罗群岛由18个主要岛屿组成的岛群，居民除了会搭船外，不时都会搭直升机到隔离岛探望朋友，她称：“215蚊丹麦克朗一个人，即系300蚊港币左右。呢度咁平，系因为法罗群岛政府有资助到直升机，因为有啲岛好遍远，车系到唔到，一系搭船，另一种就系搭直升机。（呢度搭直升机好似搭的士咁？）系呀！”

【嫁到这世界边端2】港女远嫁“雷神故乡”　谭咏麟连赞5次犀利！

节目一出，唔少网民都觉得Belle与Rani相当登对，亦好好奇Belle现在的生活。Belle接受《香港01》访问时，就透露自己已经找到工作：“我依家喺一间酒店店做receptionist（接待员），同埋一星期上四堂语言班。仲有学紧车，都适应得唔错呀！”

Belle亦称Rani亦好努力帮自己适应新生活，她讲到：“平时佢会好用心教我做语言班功课。（有冇做过咩令你好感动嘅事？）冇咩特别一件事㖞，但我开左个Facebook page 之后好多本来唔识嘅香港人揾我见面。我老公都会好乐意同我一齐招待佢地，开车载佢地玩，带佢地行山，煮饭畀佢地食，佢都唔介意麻烦。（香港人揾你哋？唔怕麻烦咩？）唔怕呀，好开心。不过，而家通常一两个月先有一两个香港人嚟，都OK。可以讲下广东话好亲切同埋嚟得呢度嘅香港人大多数都钟意去特别地方旅行，听佢地分享学到好多嘢。（惊唔惊节目出咗会香港人会蜂拥而至？）嚟呢度嘅交通唔系好方便，加上唔自驾好难喺度玩，我谂唔会好似冰岛咁多人。”