【真系咁都得】利颖怡扮月野兔劲搞笑 不顾仪态变蠢版吴君如？
撰文： 陈栢宇
出版：更新：
由区永权、邓嘉杰、利颖怡（Joan）和刘颖旋主持的无线节目《真系咁都得2》每逢星期六晚8点都会为观众探讨香港独有的古灵精怪现象，在刚刚播出的一集中，观众便观赏到与拍摄《东张西望》时不同的利颖怡，一个集搞笑、幽默一身的利颖怡，绝对是为求效果不顾仪态，更有网友睇完她扮《美少女战士》月野兔后大赞她有望成为吴君如的接班人。
利颖怡接受《香港01》访问时便说不觉得自己搞笑，但共事的人都话她搞笑：“摄制队话我系好认真做就好搞笑，佢哋又话我好低能，其中一个摄影师就话我着咗Sailor Moon套衫后好似吴君如，咁都几好嘅，但我系蠢嘅版本。”她又笑指同一个摄影师曾经赞她似黎姿：“我一路都想行靓女路线，训练班同学仔都知我想行呢个路线，但系个个都话我行错！但明明校长谭咏麟都赞过我似黎姿。”
谈到参与《真系咁都得2》本身，利颖怡便指今次机会实在难得：“好多谢监制，今次系第一次喺《东张》以来有节目。其实我都担心行咗搞笑之后拍唔返正剧，但系为咗节目效果冇所谓啦！”