【嫁到这世界边端2】瑞典人妻澄清没弃女：佢而家21岁有自己生活

陈贝儿主持的TVB真人骚《嫁到这世界边瑞2》自播出以来，迅即引起不少讨论。日前一集，讲到失婚港女毛毛为了瑞典老公甘愿付出所有，并养足对方十二年。最后毛毛苦尽甘来，随老公移居瑞典过少奶奶生活。节目出街后，由于没有交代毛毛女儿如今的去向，令不少网民都质疑她是否已抛弃女儿，独自随爱郎回瑞典生活。

【嫁到这世界边端2】养足瑞典老公12年    港女毛毛：爱是恒久忍耐

面对网民的谩骂声，毛毛接受《香港01》访问时表示：“其实我个女已经好大个，独立咗，喺香港教紧书，我同佢关系都好好。上年我过嚟瑞典呢边，而家过咗嚟都年几，𠮶阵时个女都20岁，佢都有权选择嚟唔嚟。而且佢而家都有自己嘅生活，佢唔会过嚟瑞典。”

毛毛亦透露女儿都有替她感到不值，她称：“我个女都有同我讲，佢话妈咪呀，而家啲人话你唔要我呀，啲人好衰呀，我都有叫个女唔好理佢哋，但佢话啲人咁样讲我，佢会唔开心。”毛毛亦笑言：“我希望呢几年内我可以抱孙，已经唔系讲紧我生唔生仔啦！”

另外，毛毛觉得这些年来自己并没有“包养”瑞典老公，她称：“其实双方都付出，爱唔系单方面。我出去努力揾钱嘅时候，我老公都有努力增值紧自己。我养足佢十二年，系互相支持，唔通而家我一路都唔做嘢，佢又‘包’返我几多年咩！”毛毛亦强调瑞典老公多年来都很爱锡她：“其实佢一路都好好，只不过佢以前冇能力负担屋企（生活）。佢而家都同我讲，嚟到呢度，慢慢学瑞典文，唔使急住揾嘢做，佢同我讲之后想做啲乜嘢都可以，佢都好支持我。佢仲话所有嘢，唔需要我担心！”毛毛对老公一往情深，如今过着幸福的生活，真心替她感到高兴。