【嫁到这世界边端2】肾病人妻靠志伟支付医药费：佢系再生父母
TVB真人骚《嫁到这世界边端2》首个登场的韩国新抱秋仔与Oppa畅勇至死不渝的爱情，相信令唔少观众睇到眼湿湿。事实上，当时身患急性肾衰竭嘅秋仔其实身边唔止得Oppa畅勇这位守护天使，圈中一位地位崇高的大哥亦是她的救命恩人。
秋仔曾为TVB服务
节目中提到秋仔毕业后就加入电视台并成为导演，而这间电视台正正就是TVB，当时秋仔负责的就是游戏节目《超级无敌奖门人》。“志伟真系救咗我条命！”至今秋仔亦未曾忘记过曾志伟对自己的恩情，她透露：“我病咗之后，有一段时间冇返工，之后开新一辑《奖门人》我就有返工，志伟就话好耐冇见你，你搞紧乜嘢？我就同佢讲我病咗。”
专科医疗费曾志伟全包
当时曾志伟得知原来秋仔是患上急性肾衰竭这个大病后，义不容辞马上为她介绍专科医生，秋仔透露：“志伟听到我病，因为佢人面广都有介绍一个好出名嘅肾科医生畀我。个医生喺中环，其实入去睇都至少一千蚊，唔计食药同抽血。但我都照去睇咗，但睇完医生冇收我钱。咁我打畀志伟，佢话睇啲咁贵嘅医生，对我嚟讲系一种负担，叫我安心睇，钱𠮶度叫我唔使担心，咁志伟一直都有帮我畀医疗费。唔止咁，志伟得闲仲会问下个医生几时嚟，佢间中都会出现了解下我病情，又会安慰我妈咪！”
【嫁到这世界边端2】Oppa懒理港女患重病 上演“蓝色生死恋”
秋仔称志伟是“再生父母”
有情有义的曾志伟就这样默默为秋仔承担了足足一年的医疗费，直到秋仔远嫁韩国。秋仔称曾志伟恍如再生父母，她感恩地说：“好多谢志伟当初二话不说就帮忙。如果冇佢，我依家都未必可以同老公咁快乐地生活。一个咁有影响力嘅人，其实唔一定会帮人，但系佢会用佢有嘅能力去帮助我呢啲小小幕后同事，其实真系好难得，我老公同妈妈都好感谢佢。如果唔系佢，可能我已经唔喺度，所以志伟系救咗我条命。”
公司同事为秋仔筹医药费
除了曾志伟不求回报的付出外，秋仔至今亦非常感谢TVB同事们的帮忙，她表示：“头一年，我病情都好反复，入咗3次ICU，好多嘢可能政府医院唔知我发生咩事，所以都用咗好多钱睇私家，而且呢啲大病通常都会揾几个医生睇比较好。当时保险都claim爆晒，所以都冇钱睇医生。咁TVB的同事都好好，二话不说帮我去筹款。后尾收到啲筹款，好多未合作嘅艺人都有捐款，我记忆中有杨卓娜。”因为大病，令秋仔感受到人间有情。如今秋仔病情已经稳定，衷心希望她和韩国Oppa可以一直甜蜜幸福！