黄建东改《学猫叫》做《戴手表》　不忍买六位数手表：储返做首付

有“恶搞王”之称的无线艺人黄建东 (Derek) 一向擅长二次创作，自2016年的“唱PPAP学广东话”大热之后，最近他又有“新作”。

近日，Derek获手表品牌连续邀请第三年做模特儿行catwalk，虽然已经第三年走上天桥，不过他仍然很紧张：“因为自己始终唔系model，所以就算今年第三年行猫步都系好紧张，出场前个心跳得好快。由于自己一向同型格无缘，所以决定今次喺台上做返自己，以自己搞笑方式行猫步，结果观众非常受落。”Derek发现每一次演出做回真实的自己时，观众都会喜欢，而且回响都会很正面，所以 Derek希望每次演出都可以做多一些自己。

另外，由于《学猫叫》这首歌今年大热，Derek更特别改作《戴手表》用来配合主题：“之前冇同客户及台上的庄思敏和庄思明透露，想畀佢哋一个惊喜，当唱到歌词改为‘在我面前撒个娇，我会给你买个表’，台上嘅思明笑得好开心，台下嘅女士都好兴奋好有反应。（系咪女朋友撒娇就会买表？）之前啲女朋友都唔系太撒娇比较独立，可能佢哋只表仲靓过我𠮶只，哈哈！（自己多唔多买表？）本来想买一只心仪好耐、接近六位数字嘅手表畀自己，但最后忍手冇买到，储返做首付，始终觉得置业紧要啲。”