【开心速递】傻强形象入屋　冯奕森：终于等到大家畀呢个机会我

无线处境剧《爱．回家之开心速递》入面的傻强 (冯奕森饰) 一角，人如其名走傻傻更更的路线，其戆直搞笑的丑角形像深入民心，愈来愈受剧迷同网民的欢迎，近期的戏份亦愈来愈多。冯奕森毕业于2013年第27期无线电视艺员训练班，入行至今演出过多部剧集，但多是行行企企的角色，《开心速递》中饰演傻强一角，是他从影以来戏份最多的一角，他说：“终于等到大家畀呢个机会我，我绝对相信用心去做，身边嘅人系会睇到的，自己亦抚心自问有用心去演戏，大家会Feel到我有谂点样可以做得更好，我依家都系边做傻强，边等更好玩更多发挥嘅角色。”

剧中饰演丑男的奕森，于真实世界却原来是靓仔一名，与剧中角色有好大落差。当初接到通知要演傻强一角时，奕森的第一个反应是：“吓？傻强？点会咁㗎？”坦言自己都觉得有些奇怪：“导演、监制揾我演呢个角色，可能系接触过我觉得我系搞笑底，同埋讲嘢几抵死，认为我可以handle到佢哋想要嘅效果。而当我一睇到个剧本之后，发现呢个角色可以自由奔放，好浮夸好搞笑咁去演，我就觉得真系有得做喇。”

自度小动作增强喜感
作为一位专业的演员，奕森要做丑角并没有唔开心，还花了好多心思去将傻强一角演得更好更传神，例如自度了一些小动作，讲对白时加了一些得意的用字等等，只是有时会几辛苦。奕森说：“监制同导演畀咗好大空间我，令我可以加好多自己idea入去，例如用啲得意嘅字眼，妹猪、凌凌猪、强强同猪猪呢啲，好好玩。”不过演傻强原来都有辛苦的地方，他说：“我自己本身有少少洁癖加上皮肤好易敏感，但傻强个形象就有啲嗱渣，好似油嘴咁，所以有时会几辛苦。同埋傻强成日眨眼，由朝拍到晚眨成日真系会眨到眼干。”

奕森靠傻强一角成功入屋，不过大家似乎只知道他叫傻强，未必会知道他的真名，对此他说：“我绝对唔介绍观众只系认识傻强呢个角色，如果佢哋真正喜欢我嘅话，就会去寻找我嘅嘢，去认识我。喺街度好多人都会叫我阿强，佢哋唔会叫我傻强，可能系见到我真人唔系傻更更咁样，会唔好意思叫。作为艺人可以令到所有人叫我一个剧名，已经代表个角色嘅成功，系开心嘅。”而自小充满表演欲，热爱演戏的他，并没有给予自己一个时限在演艺圈发展：“只要有得演都会一直演落去，想将演戏成为我嘅终身事业。”

摄：林迅景

一齐睇下戏里嘅傻强同戏外的奕森有几大落差