【开心速递】博士唔止得Mandy一个　真人女友好到个个朋友都赞

无线处境剧《爱‧回家之开心速递》入面有好多对CP都好有人气，其中一对就系马贯东 (Mark) 饰演的秦博思与谢芷伦饰演的Mandy喇，有观众同网民甚至投入到话希望两人在现实中都可以成为一对。不过演戏还演戏，于真实世界入面Mark其实已经有一位感情稳定的圈外女友Queenie Kwok，据悉，Queenie仲陪Mark走过了人生的低潮，Mark就曾于IG tag了女友表示：“天阴或天晴，有一对我们，不离亦不弃。”好冧㗎！

现在的Mark事业正值搏杀期，所以感情事都尽量低调，加上女友是圈外人，他绝少会主动谈及女朋友，但每当访问中被问到女友的事，Mark都难掩甜蜜之情，大赞女朋友好好。他接受《香港01》访问时就表示：“我女朋友系好到我身边认识佢嘅人都赞佢好好。对于我嘅事业发展，佢唔系净系口讲支持，而系用行动表示。开心速递佢真系集集追㗎，有时我拉佢同周嘉洛佢哋成班一齐食饭仲会一齐讨论剧情添。”

虽然剧中博士同Mandy系一对，但身为Mark真人女友的Queenie就完全没有呷醋，Mark说：“外界话我向佢派定心丸，实情系佢向我打定心针至真。我惊有情敌，哈哈。”他透露是于今年年初与女友开始拍拖，女朋友内外在美兼备，Mark话：“佢靓㗎，素颜都靓。至于讲工作忙啦㖞，其实佢仲忙过我。不过惊有情敌嘅最主要原因系因为佢性格好，同咩人都倾得埋。”

一讲起女朋友，Mark就赞唔停咁话：“我女朋友大学毕业，但佢从来无嫌弃过我学历唔高。我英文唔好，普通话又好普通，佢都唔介意，仲主动话教我。佢觉得我人生历练比佢多，即使学历唔高，大家都可以互补。我最欣赏我女朋友聪明好学，但唔骄傲，对屋企人同朋友都好好。佢座右铭系：每个人都有佢嘅可取之处，唔好轻易否定一个人嘅存在价值。”就咁听都觉得Mark个女朋友系完美呀，难怪他说：“100分满分嘅话，我畀佢满分呀！”

至于他的女朋友可有做过甚么令他好感动的事，Mark即表示：“就寻日咋嘛，工人姐姐打黎话唔见咗衰仔（我只猫），我女朋友一知道就放低晒手头上嘅工作，飞的去我屋企帮手揾，仲交带我家姐同工人姐姐唔好再whatsapp我，怕影响我开工情绪。好彩最后只系虚惊一场。”哗，咁细心体贴的女朋友，去边度揾？难怪Mark已经认定了对方，坦言已视女朋友为结婚对象：“不过目前先努力工作，唔系都唔敢开口叫世伯伯母交个宝贝女我照顾。”果然系个有责任感嘅好男人呀！