孖钟欣潼拍代言广告　关智斌狂操晒胸肌拍完即食雪糕

即将于十二月同未婚夫赖弘国喺香港摆酒嘅钟欣潼（阿娇）忙紧筹备婚礼嘅同时，结婚前，阿娇密密拍广告，近日就为代言咗十年嘅医美品牌拍摄全新一辑广告。作为艺人兼准新娘子，keep住个靓样几时都系最重要，阿娇话：“好多时因为日夜癫倒嘅工作时间，皮肤根本冇时间休息，出去做嘢又受到日光伤害，毛孔同色斑问题即刻出现。”

同公司的关智斌（Kenny）都系该品牌代言人，为咗今次广告拍摄，大晒肌肉。Kenny三个月前已经开始食营养餐单、做大量运动同埋进行美型仪器疗程。喺拍摄广告嘅十个钟入面，为咗呈现爆肌效果，一唔驶埋位嘅时候，Kenny就拎起自己带去影楼嘅健身器材做运动，又掌上压、又Ab Wheel Exercise，实行谷爆胸肌同腹肌。

完成拍摄后，Kenny第一时间走去食雪糕,慰劳自己，“我等咗成日就系为咗呢个雪糕呀！我成个月冇食过甜嘢！”之后一边食一边好冧咁话：“哗！太好味呀、好味呀！好味到好似想生仔咁呀。”