【后生仔倾吓偈】冯盈盈到底有几多个宝宝？　麦明诗：系未知数

最新一集《后生仔倾吓偈》以“前度的遗物”为题，节目一开始，六号就问大家拍几次拖先为之够，虽然大家听到之后都话起码四至五次，而麦明诗亦都表示：“呢啲嘢永远都唔够”，但现场就有位忠坚份子写下“有了宝宝已足够”，唔使多讲，相信大家都估到系冯盈盈啦，不过FYY呢个放闪，就即时引起众人围攻，麦明诗更口衰哀咁话：“佢个宝宝只系一个未知数、一个X，呢个唔得，下个都系叫宝宝。”六号之后更叫FYY写出之前拍过几次拖，又笑FYY应该有“宝宝0.1”、“宝宝0.2”，面对众人围攻，FYY处变不惊，仲笑晒咁同宝宝派定心丸，结果惹来麦明诗怀疑佢最近一定系做错事，所以先会疯狂放闪。

几位主持之后讨论到会唔会保留前度所送嘅礼物，麦明诗表示会留起所有卡片之余，更会得闲就翻看，之不过，六号同FYY就话唔会，六号解释前度多数系送电子用品，所以没有太多保留的价值，但照片如果曾上载到FB的话，六号就话唔会刻意删除。至于同样系话唔会保留前度的遗物嘅FYY，佢话试过未分手就已经整唔见男友送比佢嘅礼物：“因为佢整咗本相簿，所以想好好收藏，结果收得太好唔知去咗边。”但好最笑系FYY话曾经收过一过男仔送嘅电话壳，个壳印有FYY样，佢借花敬佛送咗比宝宝，“佢试过喺有30几个佳丽嘅旅游巴，拎住个壳出黎寻人。”睇嚟宝宝都真系好爱FYY，见真人都唔够，连个壳都咁珍惜。