【公关灾难】网民批广告原图吓人　Coffee林芊妤中伏：其实接受到

不少化妆、护肤美容品牌近年都舍弃以传统歌影视艺人作代言人，改用KOL为其宣传，利用他们在网上的影响力以无所不入的方法宣传，而这个举措亦大规模地改变了市场生态。当然，艺人、KOL两者双管齐下必定比起独孤一味更有效果。最近，一家知名化妆品品牌亦找了一班艺人和KOL影了一辑宣传相片，但一批疑似未执过的未公开的照片却意外地流出，网民见到后立即丧踩，指相片极度赶客，得返汤怡一个人算正正常常，其他人惨遭她“公开处刑”，绝对称得上是“公关灾难”，最惨是连一向出名身材Fit爆的林芊妤（Coffee）都中枪，有人便劲Mean地笑她“胀了N倍”，与她在自己Instagram公开的相关相片有所出入。

虽然被网民嘲笑，但林芊妤接受《香港01》访问时却表现得非常豁达：“冇乜太大感觉呀，我道行冇咁低啦，咁小事唔会令我唔开心。当时系有几张相畀我拣，咁我梗系拣张最靓啦，我始终都唔系零死角，系有啲角度影得我冇咁靓。如果想知我本身系点，睇我YouTube嘅片就得，因为片冇得执。”

林芊妤又指网上流传的相片与公关公司让她拣的版本有所分别：“就算网上流传嘅系真都好，我影呢张相时我系个大咗肚七个月嘅女人，唔好对我咁高要求啦！其实咁样对于一个就嚟要生小朋友嘅女人嚟讲绝对系接受到，可能我未有BB前都会介意嘅，始终我都系一个瑜伽老师、教人点减肥，但我都就嚟生，唔会太理其他人讲啲咩。”