陈家乐自认饭桶食埋人哋𠮶份 卫诗雅钟意塞男朋友食嘢

做艺人当然要时刻keep住靓body以最佳状态示人，陈家乐同卫诗雅 (Michelle) 身材一向fit爆，不过两人从没有因为要减肥keep fit而浪费食物，今日他们就孖住一齐为大家乐的惜食活动担任大使主持启动礼，宣扬惜食的讯息。别看Michelle咁瘦，原来她好食得，活动开始前就食了只炸鸡髀：“我唔使开戏时会乱食嘢，唔会特别忍口，本身系易肥易瘦。”

而要做Michelle的男朋友，她说：“我成日食剩嘢畀我以前嘅男朋友食，做我男朋友要帮我食晒啲嘢，系会愈嚟愈肥㗎，不过我钟意佢就唔会介意佢肥的，所以我揾男朋友佢要好食得。”现时无拍拖的Michelle会将食剩的食物给父母食，总之就不会浪费食物，但屋企人却愈来愈肥。家乐则自称系饭桶：“我好钟意食饭，成日会食埋人哋𠮶份。”

提到近日网上有短片讲外国人不会畀家用而引起网民的讨论，对此，家乐同Michelle 都异口同声表示觉得是需要畀家用父母的。Michelle说：“我一出嚟做嘢就有畀家用妈咪，会主动问妈咪想要几多，其实妈咪唔系话要我哋啲钱，而系想我哋有责任感，为屋企付出下，就算畀几百蚊都唔紧要，畀佢哋买嘢食都好，要孝顺下父母。”

家乐就话自己小时候的利是钱都是交给妈咪保管，到大个才自己keep返：“其实依家畀家用妈咪，佢都系帮我储住，我有咩事佢会拎返啲钱出嚟帮我。至于畀几多钱系随心嘅，如果佢哋去旅行我会畀多啲，当系sponsor佢哋。”