陈家乐原来系刘华粉丝！　靓声还原《暗里著迷》MV

早前陈家乐(Carlos)凭剧集《逆缘》当中饰演钟定国，弹起成为新一代男神。原来入行近十五年的他，可谓“周身刀张张利”，高大帅气、演技精湛不在话下，2003年凭英皇新秀歌唱大赛打入16强而入行的他，唱歌也有一手。有著这样的先天优势，绝对是扮演任何角色也能胜任。近日在电影《兄弟班》中扮演年轻版彭健新，不知是否cosplay上瘾，衬著刘华宣布年尾开红馆骚，Carlos再作大胆尝试，cosplay自己的儿时偶像刘德华，翻唱兼重演《暗里著迷》的MV。

先睇一睇原版MV，勾起大家对呢首歌嘅印象

为著今次《暗里著迷》MV的经典还原，Carlos可说是落足心机，由造型、举手投足以至MV的分镜、场景，也完全跟足原版MV。陈家乐表示：“依首歌，我细细个已经识唱；依个MV，我已经睇过无数咁多次，每一次睇我都幻想自己就系华仔，潇洒咁喺铜锣湾拨头发...... ”故此决定向偶像致敬，将《暗里著迷》MV 经典还原。Carlos更开玩笑向粉丝提问：“如果我咁样cosplay去睇偶像演唱会，大家话有冇得谂。”

陈家乐呢个致敬版MV真系似到十足十，我谂刘华如果开拍传记式电影，年轻版揾陈家乐饰演就啱晒！

为咗呢个MV，家乐事前嘅准备功夫真系一丝不苟，除咗入录音室重新录制歌曲，发型方面，试都试咗好多次，“MV入面其中一个亮点系拨头发，我会喺屋企对住块镜练习拨头发。”至于化妆方面，由于华仔轮廓比较深，所以化妆时家乐会特别加深鼻骨同颧骨阴影，“放饭时间，妆都冇落，就咁除咗个假发就去食饭，食食吓，隔离台误认咗我系刘德华，劲开心，哈哈。”除此之外，家乐话最难忘系MV尾段淋花洒部份，“我哋系拍咗呢part先，因为预咗唔会一take过ok，所以团队都准备咗几套衫俾我替换，但我自己唔记得预备底裤，所以拍完淋花洒后，同事就要漏夜跑去便利店帮我买底裤，然后先可以落街拍，真系辛苦晒。”

睇埋幕后花絮嘅相，真系越睇越有刘华味