傅嘉莉迷上食鸡　 用《特技人》角色名秦臻晚晚煲game

傅嘉莉 (Kelly) 作为一位艺人当然时刻都要以最佳状态示人，model出身的她对自己由头到脚的保养都有好高的要求。Kelly表示：“贪靓系为咗工作需要，之前做model仲要keep头发唔染得发，keep指甲唔可以整指甲，试过有次为一个大化妆品牌casting，要我哋即场落妆睇皮肤靓唔靓。我为咗今日出活动，寻晚都喺屋企做咗两个钟treatment。”
 

不过当唔使工作时，Kelly就可以唔使扮靓休息一下了，她说：“我个人都有好hea嘅一面，喺屋企会连头都唔梳头，求其夹起就算，家居look啲衫裤完全系九唔搭八的，同埋全部都好松身，最紧要舒服。”Kelly自爆近期仲迷上了玩online game：“系我人生第一次玩online gam ，我玩食鸡，我觉得自己玩得叻㗎，玩咗一个月已经去到黄牌 (仅次于最高级别) 。我用我喺《特技人》入面个角色名秦臻做ID，通常每晚12点后就会玩，玩4场左右。有真实嘅朋友一齐玩，都有喺game入面识咗好多朋友，有嘅男仔会让武器畀我。（发展online game情缘？) 咁就真识要认识耐咗先。”