【特技人】傅嘉莉面对负面新闻曾经爆喊：有谂过系咪无得再做呢行
撰文： 张嘉敏
出版：更新：
傅嘉莉 (Kelly) 于无线剧集《特技人》入面饰演一名艺人，角色的心路历程和遭遇都同真实的她好相似。今日她出席剧集宣传活动时表示：“讲我啱啱入行被前辈欺凌、同绯闻男朋友车震、又有负面新闻等等，讲出咗艺人表面风光，但背后承受好多唔同嘅压力，我好代入到个角色。自己嘅演艺路上都遇到类似嘅问题，例如屋企人想我结婚生小朋友，佢哋又会担心我，惊我面对啲负面新闻会好唔开心，惊我handle唔到情绪同压力。”
不过Kelly却依然坚持继续走呢条演艺之路，她说：“我真系好钟意演戏，会证明畀屋企人知我可以应付到嘅，自己都想喺呢行拼一番事业。我都有不断反问自己系咪真系好钟意演戏，当初我都系因为想演戏先由model转做艺人，畀导演肯定自己嘅演技好有满足感，如果有得演都有好想继续演落去，演员条路可以好长，演到老。”
+5
而面对负面新闻，Kelly都努力去克服当中的压力：“系成长嘅一部分，训练到自己EQ、IQ，我会做多啲运动，整头饰等去分散自己嘅注意力，等自己唔好钻牛角尖。情绪好影响生活，当然都有爆喊过，但明白到有好多自己根本控制唔到嘅因素，我都有学佛，尽量用正面嘅思想去走出困境。失意时都有谂过系咪无得再做呢行，好多谢公司一直都有畀机会我。”