陈凯琳盼夫妻档合作拍电影 郑嘉颖：佢系我哋嘅当家

郑嘉颖和陈凯琳（Grace）婚后首次出席活动，所谓“贵人出门招风雨”，户外大雨滂沱，嘉颖一举一动都护著太太，真系sweet到爆。结婚未够半个月，但两人已经开始投入工作，不过嘉颖表示并无影响：“我觉得两方面都可以同时进行嘅，因为而家啲工作都唔系话拍戏啦，都系宣传工作比较多，咁……系唔辛苦嘅，我哋要学习嘅一样嘢就系multi-tasking，同时间要做好几样嘢，而家多咗个家庭要顾及。”

活动上，嘉颖和Grace表示两人不介意夫妻档揾真银，只要有适合的工作就无问题，而Grace就希望两人可以合作拍电戏：“因为对上一次就拍《僵》啦，就系啱啱认识嘅时候，咁我谂而家再拍，个默契会更加唔同啰。”不过嘉颖就话想拍一些轻松的题材，笑言“不如拍广告算啦！”笑话归笑话，一讲到家中边个掌握财政大权时，嘉颖摸著Grace的头说：“佢系我哋嘅当家，都系佢管嘅啦。”身边的Grace望著老公，会心一笑，相信已经甜上心头。

早前有报导指两人的新居正在装修，不过嘉颖就说其实只是买了两个单位用来投资，现在已经有人租用，所以只是谣言。至于之前有话两人住酒店，嘉颖打趣地说：“Grace讲攰呀嘛，所以揾人服侍下，如果唔系酒店，就系我嚟㗎啦。”既然现在已经结婚，不知道两人的称呼有没有什么变化呢？“都系baby。”嘉颖透露，不过Grace就抢答“我多咗嗌佢老公嘅。”嘉颖都好识做，即刻同大家讲：“而家介绍，我太太！我都未讲惯，佢都未听惯。”两人你一言我一语，真是隔著个mon都感受到他们有几幸福！