李佳芯婚后想唔想有小朋友？　“𠮶个moment想做嘅时候咪做啰”

《BB来了》中，饰演新手妈妈唐恬儿（Ellen）的李佳芯（Ali）演技再一次得到观众肯定。今日Ali出席商场“美少女战士”活动时就献唱了《给自己的情书》，高音甜低音准，原来Ali也是唱得之人。Ali接受《香港01》访问时说：“总括大家都觉得我唱得几好，其实我已经好开心。”

Ali透露，其实自己平常因拍剧已占据自己大部份时间，所以并没有时间练习唱歌。“本身唱歌已经用咗我9成9时间，所以唱歌只可以出Event之前争取时间去练。”问到为何会选择这首《给自己的情书》歌曲时，她说：“我好衰嘅，一定要自己钟意𠮶首歌先会想唱。因为我成日觉得（唱歌）呢啲都系舒发感受嘅嘢，如果拣一首冇Feel嘅歌，会唱得冇咁开心啰。”

Ali表示拍完《BB来了》之后，令她有了自己唱剧集主题曲的意向。“如果自己拍套剧，主题曲又系自己唱埋，个感觉就好似好完满咁。拍完《BB来了》我有一刻有呢个感觉，咁当然都要睇公司安排，其实我自问我只系有进步啫，我希望我唱得再好啲先至唱主题曲。”说到《BB来了》，不知道Ali拍完之后会否有了当妈妈的欲望呢？Ali打趣说道：“我都做过好多小三角色，如果我每次做完之后都想做人小三，其实都几‘币家伙’。但系我拍完之后反而了解到做妈妈嘅辛苦，同埋了解到阿妈真系超人嚟嘅，冇嘢难得到佢。”

女孩子结婚，总有些人想要小朋友，又或者不想要生小朋友。到底Ali是属于哪一派呢？“我觉得我两样都唔系，因为我从来都冇谂过我要做啲乜。我细个会谂啰，会谂我廿八岁前一定会结婚生小朋友，但系随住我事业咁迟先起步，我发觉好多嘢都冇得Plan，就连我工作都Plan唔到嘅时间，感情同生小朋友更加系冇得Plan。我觉得去到𠮶个moment想做嘅时候咪做啰。（结婚呢？）近排好多人都吹我，哈哈，自己又觉得随缘，手头上我又有剧做紧，而结婚我又唔想咁仓瘁，所以就冇呢个计划。咁到有呢个计划嘅时候，咪结啰。”