【BB来了】李佳芯唔排除闪婚生B：好想要一个屋企
撰文： 黄欣华
出版：更新：
TVB热播剧集《BB来了》一众演员包括李佳芯、黎诺懿、徐荣、杨卓娜、黄长兴、姚嘉妮等今日（31）为剧集播映“满月”，一齐切BB造型嘅水果蛋糕庆祝。活动中，大会安排超过40名BB撑场，见到BB咁可爱，Ali都忍唔住话拍摄时嘅母爱都涌晒出来。
【BB来了】李佳芯当面闹爆奶奶卢宛茵心理变态 连港妈都唔撑？
【BB来了】李佳芯黎诺懿性感床戏有话题 粉红厘士吊带非常诱惑
Ali宁投资BB
Ali又直言自己一向钟意BB，完全唔觉得BB烦：“完全唔觉得烦，如果讲烦，养动物咪仲烦。因为BB始终都系人类，你可以佢沟通，就算BB得几个月，佢其实都听到，知你做紧乜，其实好叻。所以我觉得投资BB反而仲值得。”虽然对BB爱不释手但谈到生育计划，Ali就坦言未必会生：“拍呢部剧都知，好多时你想有但最后可能无，生BB都系讲缘份，呢个系我拍完呢部剧一个几深嘅感受。”
“贴地女神”唔排除闪婚 Ali：感觉嚟就结
谈到早前Ali曾扬言唔排除闪婚，佢即笑言：“点解讲到我下个月就闪婚咁，其实缘份同感情好难讲，感情话唔埋下个月分开又唔出奇，结婚又唔出奇，真系无人知。我会相信感觉，感觉嚟到，好想结婚嘅我咪结婚啰。好想要一个屋企或者好想要一个小朋友，可能我咪考虑生BB啰，但暂时真系未有呢个打算，感觉下年都系拍剧同拍剧。”