【美女厨房】美女学徒程美段Kiwi被踢走 TVB PA：下集开始唔使返
《美女厨房》由开播以来收视虽不算非常之好，但反应也尚算不俗，同时也吸引到一班固定的观众支持，所以近日剧组就宣布加推6集，兼替一众“美女学徒”换上新衣，红黑色短裙搭配无袖上衣真系与别不同，尤其是“美女学徒”之一的洛儿穿上新制服之后又更加突出。不过，另一位“美女学徒”程美段（Kiwi）就缺席了该次节目拍摄，Kiwi接受《香港01》访问时说：“突然间，监制经过啲PA同我讲话，新嘅集数唔使我返去啦，咪即系唔用我啰。”
Kiwi接到PA通知时，也有问及原因，但PA只以一句“唔清楚，唔好意思”了事。Kiwi：“原因其实大家都估到，之前拍节目嘅时候都Feel到有啲面左左。其实拍节目嘅时候会预先拍一啲‘美女学徒’反应Shot，之后先会正式录影。之前都拍到我反应Shot，但系上一次入厂拍节目之后，就冇晒拍我嘅反应Shot，仲特登调我坐后面添。”事缘其实是因为Kiwi想请假而不得要领，Kiwi：“其实𠮶次拍晒反应Shot之后，我就问PA话反应Shot拍晒，夜晚有啲事可唔可以行得开，因为我𠮶晚想请假去Casting，都系临时收到通知。𠮶时监制都喺隔离，佢就反应好大，仲话：‘如果你今晚唔出现嘅话就以后都唔使嚟。’即系唔再用我。咁后尾𠮶晚我都选择留低拍埋佢冇去到Casting。”
【美女厨房】美女学徒程美段Kiwi形象百变 影过艺术全祼写真
【美女厨房】一文睇晒5位素人美女 打碟DJ洛儿随时系全场最靓
Kiwi续说：“好多女仔都会请假去做其他Job，后尾𠮶晚拍嘅时候，我先知原来𠮶晚有其他女仔要过隔离厂拍《Think Big天地》，所以《美女厨房》先会唔够女仔，睇起嚟就会成排空晒好肉酸。其实平时开厂一个半个‘美女学徒’要早走都冇嘢。”每一集节目拍摄时间少则5小时，多则10小时，但最后只是计算一个骚钱的话，其实人工真的不多。
【动漫节2018】美女学徒程美段着兔仔睡衣睇漫画：我觉得几可爱
【美女厨房‧极多图】梁凯程每晚搽Cream护超长腿：度过有44吋！
Kiwi说到，其实一开始由传媒报导她有拍过艺术祼照的时候，就已被剧组传召“照肺”。“𠮶时我返到去，佢哋已经唔多钟意，仲问我：‘仲有冇其他相，仲话高层都好关注咁样。’之后仲有动漫节𠮶啲报导。我谂我呢啲出位嘅行为同报导，佢哋不嬲都唔满意㗎啦。”Kiwi言谈之间更透露了一点点失落：“其实你冇问，我都冇谂住讲由佢慢慢淡化就算。始终TVB俾咗个咁好嘅机会我拍《美女厨房》，冇拍个节目又边会有咁多人识我。同埋剧组同咁多位主持都对我好好，离开《美女厨房》其实我都有少少唔舍得㗎。”