【美女厨房】吴卓羲“唔熟唔食”有经验　爆萧正楠：佢食咁多好嘢

吴卓羲日前（4日）到TVB电视城参与新一辑《美女厨房》的录影，虽然时隔已有十年八载,昔日的TVB当红小生，今日已成电视电影界的宠儿。不过“出得嚟行就预咗要还”，8年前（2009年6月14日）上过《美女厨房》的吴卓羲，8年后的今日（2017年8月4日）又在《美女厨房》出现。日前吴卓羲参加新一辑《美女厨房》的录影回忆起8年前食过的菜色。“我记得个蟹，但系佢好嘢吖，入面啲膏系唔熟嘅。”

吴卓羲续说：“（食落去咩味？）冇啦，食落去唔熟就即刻𦧲啦，仲食咩。你要了解佢唔系有菌吖，系入面有虫㗎，所以一唔对路就要𦧲㗎啦。（𠮶次有冇食到肚疴?）唔舒服啰，心里面，惊病吖。（今次做咗咩准备？）预备咗呕吐袋吖，Bosco仲话大会预备咗十字车同黑箱车。不过你要知道呢度系TVB嚟㗎，十字车同个医生都可能系假嘅，所以我今次好有经验㗎啦，有咩唔对路就俾阿Bob食，Edwin（萧正楠）都喺度，都可以俾佢食，佢食咁多好嘢。”