【港姐2018】见习建筑师Amber自认好挨得：每日瞓三个钟！

19位候选港姐今日〈10日〉首次以泳装会见传媒，20号邓卓殷〈Amber〉虽然一向身材都好Fit，但都有特别为今日做足准备，她称：“我有食清淡啲，同埋自己煮多过出街食，尽量唔食味精，呢排都有勤力做Gym。（着泳衣对你系咪无难度？）其实都系第一次喺咁多人面前着，都有少少唔自在，希望到决赛嘅时候，可以练到自己有自信啲。”Amber又指其他佳丽状态都好好，但最欣赏Honey，因为对方身材最丰满。

Amber透露自己亦开始加强皮肤上的护理，她透露：“我觉得除咗外形上，个样都好紧要。所以想皮肤状态好，我都尽量瞓多啲，敷面膜同加强保湿。”虽然赛前活动比较多，但Amber就自认挨得：“因为读建筑嘅时候，成日都要做好多Project，每日都系瞓两、三个钟，所以都比较习惯。（咁挨得？）系呀，试个一个星期瞓得10个钟，所以而家暂时都OK。”有十几年中国舞底子的Amber又透露，希望决赛当晚可以让观众欣赏她的舞蹈。