【港姐2018】陈尧华自认参选有压力：做瑜伽减压个心好安静

周四（9号）二十位候选佳丽齐集杏花邨攀石场一展身手。陈尧华（Hera)被视为今届大热，但早前喺天后庙拜神求签，求得下签，其间见到Hera有啲疲态，笑容欠奉，心理上可能承受好大压力？Hera表示：“你同我倾多啲偈，你就知我唔系唔开心㗎啦，暂时都冇压力嘅，都仲有一段时间，咁尽量做返多啲运动啰，我琴晚去完澳门之后，都即刻返去做瑜伽。”
 

做咗成日嘢，咁攰仲做瑜伽会唔会好吃力？“我反而觉得喺𠮶度我会好开心，𠮶度好宁静，因为做空中瑜伽，我会不停咁转圈， 个心反而安静啲，其实点都会有压力，但依加唔会over啰。”其实Hera一时话冇，一时话有，希望瑜伽运动真喺可以帮到佢减压啦。