【兄弟大茶饭．专访】萧正楠曹永廉爆兄弟大镬：佢哋好污糟邋遢
TVB 最新饮食节目《兄弟大茶饭》一推出即大受欢迎，网民大赞两位主持曹永廉（阿廉）和萧正楠（老萧）互窒够过瘾，节目形式够新颖。这是第一个阿廉和老萧两兄弟拍住上的节目，过程虽然辛苦，但更多的是回忆，阿廉说：“我哋系卖人情味同诚意。”
“我哋想真性情，唔想有做紧嘢嘅感觉，希望好似真人骚咁，但当然唔可以讲到过晒界啦，都系睇幕后同事点剪㗎啫。”阿曹说，所以二人在拍摄过程中想到什么便说什么，就是他们的日常写照，阿萧说：“我哋唔想跟稿讲对白，一路煮一路嘈交随时就嚟，有时呢啲先好笑，咁大家都觉得，原来你两兄弟把口都几贱㗎㖞，点知佢哋把剪又咁松，所以大家先睇到咁多踩界对话。”
如果说TVB的女子组闺蜜代表是“胡说八道会”，那么男子组代表应该就是“太监五虎”（黎耀祥、曹永廉、萧正楠、黄浩然、陈国邦），阿廉说成班兄弟隔两天就联络一次，说说八婆是非，这样的相处，有时比女生之间的相处还要冤气。阿廉和老萧在节目中把口唔收，经常有“踩界”言词大开黄腔，二人大爆其他兄弟亦不遑多让：“其实唔只我哋两个，黎耀祥、黄浩然把口都好贱，大家见开佢哋斯文一面，其实内里好污糟邋遢。”阿萧：“上次《公公出埠》，我同浩然激到阿廉动真火，当时仲roll紧机，影低晒佢啲黑面，我向浩然打眼色，唔好玩得咁过火，但浩然系一个好钟意欺凌别人嘅人，如果佢喺学校应该系技安𠮶啲学生，所以佢无视我，继续欺凌阿廉。”但阿萧亦说：“踩到尽先系真兄弟吖嘛。”而“五虎”就是这样相处，踩完大家又无事。
要二人数对方一个优点，起初阿廉和老萧还互相打趣，只赞对方今日个头set得靓，但讲遘吓，又赞不停口，阿廉说：“我哋系拍《大太监》𠮶时识，佢个名之前都听过嘅，唱歌㗎嘛，但唔系熟嘅，但好多幕后工作人员赞佢醒目，我都几期待识到呢个人，可以同我对到两咀，𠮶时拍《大太监》就挞著咗。佢好孝顺，好钖阿妈，对朋友好好，但佢好拣朋友，啱倾𠮶啲佢会对人好好，唔啱倾𠮶啲，咪寒暄两句咁啰。”
轮到老萧说：“阿廉好锡身边嘅人，任何人，无论系咩职位，佢好关心，无论系工作上定屋企有事，佢都系第一时间去帮人，有次我要搬屋，佢系第一个举手话帮我，仲帮我揸几转车，我觉得佢真系好好人，所以佢咁得人钟意。”
咁缺点呢？阿萧说：“我觉得阿廉阔佬过龙。佢以前请太多人食饭，使咗好多钱，有时明明唔关佢事，有时佢经过又帮人埋埋单；有时一班人食饭，佢成日行咗去厕所，佢永远去完厕所返嚟，张单已经埋完。”
但要数到“埋单王”，应该非黎耀祥莫属，阿廉和老萧都说，最开心是跟祥仔吃饭：“佢真系我哋师傅嚟㗎㖞，有大食大，《大太监》𠮶时系我人生嘅低潮，我无拍剧一段时间，阿祥知我哋成班都唔系揾得钱多，餐餐饭都系阿祥同阿嫂畀钱，佢话：‘得啦，迟啲先你畀啦，揾多啲钱先啦。’我觉得佢两公婆心地好好，就算系依家，佢哋都仲系成日叫我哋留啲钱买多件衫，佢嚟请。”
虽然老萧说浩然是小霸王，经常虾人，但其实佢好“有雷”（义气），老萧说：“如果佢当你兄弟，佢一定会企你前面保护你，同埋佢会好关心人，佢同你拍剧嘅时候，会睇住你，留意你有咩甩漏，衫歪了，头唔靓，佢即刻同你讲。”阿廉说：“佢又会提你拍紧戏时对眼唔好周围望，好烦，但佢系好心。”
《兄弟大茶饭》已经深入TVB同事心，现在只要见到阿廉同老萧，同事都会问：“系咪做紧大茶饭呀？系咪有饭食呀？”得到同事的爱戴，二人都好有满足感，阿廉说：“我哋成日上内地拍剧都会思乡，会好挂住香港，挂住香港嘅食物，我哋特登上去内地探班，煮好多香港食物畀同事食，好多平时唔顼意上镜嘅同事，今次都好肯上镜，赞吓啲菠萝包好食，杯珍珠奶茶好饮，见到佢哋咁开心，我哋好有满足感，估唔到个回响咁大。”做得如此成功，会不会开第二季？阿廉老萧说工作已经排到年底，所以今年内再开的机会不大，大家好好珍惜余下几集喇！