【全民造星】19岁靓仔姜涛曾经系200磅肥仔：我为咗个女仔而减
ViuTV举办的选秀节目《Good Night Show全民造星》已经完成首轮淘汰赛，而昨晚（1/8）播出的一集就出现了一位令大家眼前一亮的参赛者，佢就系19岁嘅靓仔小鲜肉姜涛。当节目内播出面试片段时，见到连平时恶到爆嘅监制花姐，都忍唔住流露出幸福嘅笑容。去到表演环节，姜涛挑选了贺子玲的歌曲《123我爱你》参赛，最终获5盏蓝灯过关。
从小到大是肥仔 最高峰达200磅
姜涛在节目中透露自己从小到大都是个肥仔，最高峰更达200磅，但偏偏喜欢唱歌和表演，过往经常受不同人的嘲笑及打击。至于问到为何要参加这个比赛，他直言去年参加了内地歌唱节目《快乐男声》，但进入30强就止步。他坦言当时自己都没有准备好就参赛，所以今次的选秀对自己来说是一个考试，看看自己是否能克服紧张、自卑等问题：“好多人讲死肥仔，或者其他难听嘅说话，对于一个肥仔嚟讲都系一个几大嘅伤害。睇返自己点解差咁远，少不免都会有唔开心。既然我要做呢一行，我要有做返呢一行我要有嘅自己。”
带氧运动不可少 负重运动都要做
问到如何在1年多由200磅减到140磅，姜涛接受《香港01》访问时便表示最初用了错误的减肥方法，试过全日只吃生果兼狂做运动。因为当时还在发育期，所以瘦很快，不过这样就导致身体差了，所以不建议大家用以上的方法。其后，修读了运动教练的课程去学习知识和理论，才知道原来要配合带氧运动及负重运动训练，两者兼备才可以减得健康又不会反弹。
他笑言自己一向都比较喜欢美食，所以一个星期或者每半个月就会让自己放纵一下尽情食，其他日子会吃得清淡：“早餐可以食得丰富啲，因为早餐食嘅嘢都会喺一日里面嘅活动消耗到。午餐嘅话就食到觉饱就可以，但都系以清淡为主。晚餐其实可以食容易消化嘅食物，因为夜晚主要系俾胃同身体休息嘅时间 ，建议大家可以选择一啲生果或者生菜等容易消化嘅食物。”
为女神减磅搣甩肥膏 惜对方投他人怀抱
至于谈到为何要减磅，姜涛坦言是为了心仪对象：“我系为咗一个女仔而开始减磅，后来个女仔同第二个一齐咗，就觉得其实女仔都系睇样。𠮶时妈咪都好鼓励我减肥，仲同我讲，而家已经好靓仔，减完肥应该会更靓仔。所以我肥𠮶时虽然唔太自信，但其实自问自己都唔系太差。减肥之后，身边嘅人就见到你有改变。减肥初期系辛苦，但当有人见到你有转变，你又开始见到有成果，就会一直进步。”
由肥仔变成靓仔，姜涛下了不少苦功，既然最初减磅是为了心仪对象，现时又是否多了女性埋身？他笑言自己没有留意，但现在起码对人际关系方面会更有自信：“我一直都学习紧点同女仔相处，因为当有女仔同我讲嘢𠮶时，心态上都觉得自己冇自信，可能自己咁就错失咗好多机会。”
其实姜涛BB的确几靓仔，点击下图睇真啲：