【全民造星】卓韵芝不只教咬字应对 连心理辅导都做埋？
撰文： 郭芷晴
出版：更新：
ViuTV节目《全民造星》开播在即，作为星级导师的卓韵芝 (阿芝) 昨日 (16日) 也出席记者会做宣传。不讲不知，原来阿芝在节目中身兼数职：“其实我都几多野做，首先要执咬字，好似唱歌时候嘅发音咁，再进一步就系说话同应对嘅能力，例如点样回答评判问题，因为评判真系可能就凭你讲个几句说话而记得你或者淘汰你。”最意想不到的是阿芝要兼任节目组的“心理医生”：“有啲参赛者会话同队员唔啱key，有啲又会突然间讲‘阿芝我唔玩喇！’想中途退出，我就即刻妈妈上身，问佢地咩事，令我谂返起‘芝see菇bi接电话’。”
《全民造星》的玩法是由Team A及Team B两组导师分别指导若干参赛者，再交由公众评审，而属于Team B的阿芝亦有和队友相讨“战略”：“我地队长系Eric Kwok (郭伟亮)，好多时大家会有唔同意见，要问返相对应部门嘅专业同事。有时有啲学生表现差强人意，但教教下就会好，但有时有啲系教极都系咁。”她补充同组导师侧田非常坦白，会直接评价一个学生是否“孺子可教也”；至于舞蹈方面的问题，就会请教麦秋成。但无论导师如何掏心掏肺地培训学生，最终出来的结果也未必尽如人意：“有几集我地几个导师都睇到揼心口，因为明明有啲学生我地觉得ok几好，但推出去之后评判反映系‘唔钟意’，‘睇唔明’，所以我地好似同参赛者一样，经历心情上嘅大起大跌。”
问到Team A的参赛者大多高大靓仔，而Team B的则百花齐放应有尽有，阿芝表示：“我地呢组系睇talent，虽然你见又有肥仔，又有同我差唔多高嘅，我保证唱得最好，跳得最好个几个全部系哂我地到。”似乎对“自家出品”甚有信心！