【黄子华栋笃笑】忆述刘青云帮手埋单 　子华哽咽感谢当年情

“得人恩果千年记！”黄子华喺成名之后，都从来忘记过入行以嚟，曾经帮助过自己嘅每一位朋友。子华最近喺栋笃笑告别作《金盆𠺘口》嘅每一场尾声，都会公开多谢一个人。继子华早前公开多谢林祖辉喺自己人生首次举办栋笃笑时，仗义帮手贴街招后，子华日前就公开答谢另一位好兄弟─刘青云。

子华讲到自己喺最初期的栋笃笑演出，并唔系别人眼里咁“风光”，亦唔系赚很多钱。喺某一次表演后，佢与当晚在场欣赏嘅青云等一行廿几人去高级日本料理庆功，虽然廿几人入面子华只系认识三、四人，但作为主人家的子华也无奈要“万岁”。

黄子华重提当年感激刘青云“埋单”青云：大家请下大家 冇乜所谓

正常子华谂住去埋单时，收银员竟然话：“阿边个帮你畀咗喇！”而“阿边个”正正就是青云，子华仲记得当时青云讲：“我知道呢度好多人同你唔熟，我帮你搞掂喇！”忆述此事，子华喺台上都忍唔住哽咽，感动称：“我感动不是系因为他畀钱，而是因为他（刘青云）知道这餐饭对这个人（子华）来说是一个数目。”被记者问到呢件事，青云虽然话：“大家都会请下大食饭，冇乜所谓嘅。”但呢个贴心嘅举动，就足够令子华记一世。

当年子华同青云因为电影《人生得意衰尽欢》而认识，喺泰国拍摄期间，二人朝夕相对，而成为好友。喺青云结婚时，子华亦有帮手做兄弟，能够在圈中认识并成为知己的真的非常难得，难怪两位Friend足咁多年！