岑丽香7月中签约王祖蓝公司 对新工作大卖关子：会留喺香港拍嘢
岑丽香早前宣布离巢TVB之后，相隔一个月今日（21日）首次公开露面，充足电的香香讲起假期直言好充实，除了参加多场婚礼之外，一家人还驾车玩转半个加拿大：“真系好开心，又可以陪下婆婆同嗲地妈咪啦，同时间去咗法国巴黎拍广告。”一个假期既可以陪屋企人又可以工作，难怪香香都说这是最佳的vacation。
香香近年来人气急升，之前宣布不再同无线合作之后，令不少fans都大感不舍，大家也很关心她的去向。香香表示7月中已经签了王祖蓝和邵氏合作成立的“手工艺创作”公司，除了继续拍戏之外，还有一些新的尝试。讲到过档身价，香香口风好密，完全不透露。祖蓝现在主攻内地市场，难道也要北上发展？香香笑谓自己学了多年广东话，学下普通话都无妨，而且新公司给了她好多时间，令她非常满意，接下来她也即将开始新工作：“嚟紧呢就会有唔同工作嘅，呢几个月，咁就会留喺香港嘅，都系拍嘢，咁到时先再宣布畀大家啦。”
【岑丽香离巢】香香喺TVB嘅5个精彩时刻 《巴不得妈妈》一夜成名
香香今次回加拿大除了探亲和旅游之外，也有和李亚男（Leanne）叙旧。眼见身边的好姊妹都陆续陀B，不知道香香想不想快点有喜讯呢：“又唔会因为见到人哋有自己想要嘅，咁我又觉得喺自己嘅立场，有都会开心嘅，努力啦！”香香和亚男这般亲密，讲到和BB上契，她便笑说：“呢个我要等佢自己吩咐喇，即系呢个始终都系祖蓝同埋Leanne嘅决定，咁佢如果要嘅话，我哋全部姊妹都当然会肯啦，想啦。”其实大家一直都很关注香香的“造人大计”，她也透露无论是身边人或者陌生人都给了自己好多建议：“唔识嘅都喺Instagram留言，不过我觉得见到一个人关心下呢，我都好开心嘅，咁我会慢慢储下呢啲advice嘅，记住嘅。”
早前香香在IG分享的hashtag中写到“love project”，令大家误以为她有喜讯宣布，但原来这个project是她的香水广告，唔讲唔知，其实香香是个不折不扣的香水控：“我钟意自己身上喺任何地方都会觉得香！”真是人如其名呀。香香表示自己会根据心情去选择当日喷的香水，所以屋企的香水多到数不清：“我数唔到呀，有时我会揾到一支系新嘅，我系唔记得咗开，因为我钟意唔同mood就试下唔同味嘅。”香香说有时闻到某一个味道，就会有某一种感觉，所以会喜欢香水。