传岑丽香争女主角失败拒续约　唐诗咏：大家睇得太多深宫计

岑丽香昨日就传出TVB合约已满不再续约，而香香今日就喺佢自己个人社交网站宣布与TVB认约满离开无线，但就系之前就传出香香佢不满新剧《解决师》被抢去角色而拒绝续约，担任女主角一角变咗由唐诗咏饰演。

今日唐诗咏出席新剧《天命》宣传活动，问到佢知唔知道香香唔续约TVB？诗咏回答到：“今日番嚟有听到人讲，但从来公司呢啲事我哋都唔会知道，每一个人嘅选择都系佢自己私隐。”但又被指系妳抢佢角色令到佢选择唔续约，自己又知唔知呢件事？诗咏无奈地说：“系啰，我正想讲宜家乜野都关我事，可能大家睇得太多深宫计，皇宫里面嘅事情放咗入呢间公司，我自己只想讲我由入呢间公司到宜家呢一刻我所有嘅工作我谂除咗我之外，基本上所有嘅艺员都系公司去派畀我哋，所以如果我有咁嘅能力，我一定系会要求加我嘅人工，所以我觉得有少少夸张。”

而近年诗咏都常常受到别人批评，就好似所有唔好事情都会关佢事，诗咏自己都觉得无奈，“其实呢间公司仲有好多高层，其实我只系打工，但大家好似畀咗好多权力我，所以其实唔好关我事啦其它事嘅话，除咗我自己啲剧之外。”不过做人最紧要开心，诗咏都唔会因为有呢啲事情发生而令到自己有困扰。