【港姐2018】20位佳丽去变身　一文睇晒执样前后对比

香港小姐2018，最后20位参赛者将会进行公开淘汰阶段，今日TVB就为她们Set头化妆，务求她们以最佳形象示人，究竟换完装后有乜分别呢？

香港小姐2018已经进入20强的阶段，由一开头157人到现在20人，只花了短短两星期多的时间，看来都相当急。听闻，今年港姐决赛将会在8月举行，今日TVB就为众佳丽执一执个外表，主要是Set头。一众佳丽进入发型舖后，短的两小时便出来，长的足足花了四个小时，在入面可能是Set头，也有可能是备战讲座。

在众佳丽Set头的期间，于Salon set完头的冯盈盈推住迷你行李箱离开，问到可有见到同场的一班师妹，她说：“有呀，可惜只系得10位，见唔晒，同埋佢哋个个都包住晒个头，所以未有心水，不过迟啲会好多活动，实有机会同佢哋见面。”

其实一众佳丽Set完头都唔算好大分别，唯独其中一位一睇就知系整得最夸张，就系陈静尧Claudia，因为佢俾人剪短咗个头，咁多位佳丽得佢一个系短头发。

即Click下面睇埋其他佳丽有咩变化喇！

【港姐2018‧任噏乱评】睇完复选已确定三甲 TVB套路咁易捉？

【港姐2018】次圈港姐Instagram大起底 睇生活相就知边个真系靓

【港姐2018】一文睇晒入围复试靓女 杨帆Krystal最有仙气

在接受《香港01》访问时，工藤佑采Yutori表示：“剪薄咗，用咗发棒set发尾，我本身之前电咗发，发型师话原本个发型都好衬我。”提到她的双亲已不在，问到可会觉得今次参选是孤军作战，她说：“唔会，有朋友支持。（爸爸妈妈走咗几耐？）都好多年喇，已经习惯咗一个人生活。（香港同日本有无亲戚？）无，都无咩联络。”她又谓对自己ok有信心。

而大热之选陈晓华Hera说：“染咗深色啲，cool tone，set咗发尾，自己都好满意，钟意自然啲，我会努力试下夹唔夹得返呢个效果。”Grace则剪薄了头发和电曲了少少，走自然风。Hera、Yutori同Grace更因为今次参选成为了朋友，整完头即约埋一起去医肚。

整了足足4小时的Sara表示：“剪咗少少同埋染咗发，因为我头顶嘅头发比较薄，好吸色，出嚟个效果浅咗啲所以要再染返深啲。问到她与提名人张坚庭是否好熟稔，Sara说：“好熟，因为我姑妈同佢系好朋友， 佢8年前已经叫我第时大个咗就参选香港小姐，话会做我提名人，我对自己都有信心嘅。（会唔会都想拍戏拍剧？）未谂过，我无接受过呢方面嘅training，但系有机会都想试下。（如果当选咗会加入娱乐圈？）会呀，对呢行都有兴趣。”

整了5小时的Honey就整了金色Highlight和转了啡色Base，她说：“好满意，今日个发型师话帮我整highlight，我好开心，其实自己本身都想整highlight，但因为要参选，知道如果入选咗大会会安排整头，所以之前无去整，谂住入唔到选嘅话先去整，结果依家可以免费整。”问到可有坐到pat pat痛，她说：“又无，佢哋啲櫈几舒服。”最后完成的Jenny就整了5个半小时，她说：“整咗highlight，佢哋整得好有心机，我非常之满意。（有无觉得自己靓咗？）有，因为个发型好靓。”