欧阳巧莹卖比坚尼 林师杰唔怕被睇蚀：趁有本钱就要博！
撰文： 黄欣华
出版：更新：
林师杰今日（17日）以一身型格侦探造型现身为明珠台全新侦探美剧《直觉追凶》宣传。最近忙著拍摄新剧《十八年后的杀人告白》嘅师杰就透露今次嘅剧情好沉重，几乎场场戏都有意外发生。师杰称：“日日都有人死，唔系佢死就兄弟死，唔系兄弟死就系啲老婆死，阿妈死，女朋友又有木机会死，又怀疑自己会唔会死，所以会有好多内心戏，演绎起上嚟会复杂啲。”
本身拍剧经验较少嘅师杰为咗角色都下咗唔少苦功：“今次角色比较难拿捏，但我会好努力学。今次嘅对手都好劲，会趁机偷师。”佢更透露8月将会有两部新剧推出，分别是《爱情没有来的时候》和《特技人》。
【3日2夜】欧阳巧莹同翻版袁伟豪游帛琉：我老公 (林师杰) 先最正
对于未婚妻欧阳巧莹最近推出自家水著，佢笑谓：“我都系睇IG先知，呢个女仔咁索嘅，边个嚟？咦！我老婆㖞，开店卖比坚尼？系咪又要推几十万出嚟打本呢？”
虽然师杰有点担心，但仍然十分支持Tammy，并表示：“佢好钟意做生意，好有呢方面头脑。（佢自己做生招牌怕唔怕被睇蚀晒？）趁有本钱就博多啲啦，我哋嘅心态都系趁后生能够做嘅时候就做多啲，博得尽啲。而且最紧要系影出嚟嘅相有美感，我都自荐做摄影师，想攞正牌影靓女，虽则𠮶个系老婆，但都靓。”