【多图】欧阳巧莹开店推出自家水着系列　自信爆灯做生招牌

欧阳巧茔 (Tammy) 身材一向索爆，而她亦都好大方咁畀大家欣赏，不时于IG上载性感靓相给大家提下神。昨日Tammy就于ig放了新相，相中的她一身比坚尼look大晒美好身材，并留言表示：“Tam Swimwear Shop Coming Soon~ Striped Bikini Set”，原来Tammy将会推出她的自家水着店，以她的Body绝对是最佳的水着model，大家系咪好期待，好想睇多些Tammy做生招牌的相呢？

Tammy接受电话访问时表示：“啲相我未影呀，我依家准备出去我朋友倾影product相嘅事。”至于点解会想开泳装店，她说：“事源系咁嘅，我成日都会出海、去沙滩 游水、拍嘢等，基本上系一年四季都无间断要著泳衣。咁我又唔中意著死一套泳衣咁闷，同埋工作源故，通常每套泳衣都只系着一次，于是就忽发奇想：不如直接揾厂整啦，所以就开始左呢件事喇。”她已有晒构思表示：“我想系大众化啲，价钱系同H&M个啲差唔多，甚至再平啲，等大家都可以买多几套，打卡都正啲。”

Tammy亦会参与泳衣的设计：“设计方面我有比意见，IG相𠮶套系照我中意嘅颜色嚟整，因为我系同一个北京朋友一齐做，佢基本上负责晒所有生产同买货，会喺内地揾厂商，喺世界各地买货，我只系负责前线啲嘅事同埋影Product。其实我想整个App，不过我同时筹备紧结婚啲嘢，所以进度会比较慢。”

一齐睇住Tammy之前啲靓相先啦。