陈滢滑水唔著三点色原来有原因　爆好姐妹蔡思贝滑水走光

陈滢，胡子彤周四（12日）出席尖沙咀名表品牌发布会。早前陈滢忙于工作，难得可以放假，当然约埋三五知己齐齐出海玩啦。陈滢话：“难得暂时未使开戏，紧系用尽呢个暑假时间，做多啲户外活动啦，自己最近钟意咗wakesurfing呢个运动，陈嘉宝老公Epaphras教我地，教完之后我地非常非常之钟意，个种感觉同滑雪非常之相似，我自本身好喜欢滑雪，但夏天又滑唔到，所以滑水好似同一野咁，系水上个种感好正。”

陈滢经常在IG放闪，唯独不见三点式泳衣，一众“粉丝”们甚为失望。陈滢笑说：“其实点解滑水唔著三点式泳衣，其实系有原因，因为怕走光所以著one piece泳衣，著长衫因怕晒，话说有次蔡思贝试过著三点式去滑水，起水时，在不知情下走光，当时一刻我帮佢影紧相，旁边何雁诗当时想话佢知走光，但在场有教练，如果大声讲，咪好似笃爆佢，𠮶一刻冇讲到，谂住佢会好快咁跌落水，点知佢好快学识企板，𠮶一刻大家就劲尴尬，但Epaphars真系一个好专业嘅教练，当时教练好淡定话：‘思贝只脚行前少少，企直个人，揾返个平衡点，再整整个bra先。’𠮶一刻大家笑死，我地笑原因唔系走光，而系教练讲嘅时候好淡定好专业。”