【有片】江美仪转签部约：之前经理人出去跑完同TVB撞期我会忟！

江美仪周六（6月23日）以一身黑白间条连身裙出席活动，分享买楼心得。

早年她以几百万为父母买楼，家阵已经过千万，美仪姐直言如果要再添物业都好难，所以要再勤力些赚钱。

美仪姐早前和TVB改签部头合约，率性十足的她笑言：“因为我想揾多啲钱呀嘛！”每个人要走出舒适圈并非易事，所以她坦言自己在决定前已经过深思熟虑：“我都系想拍下出边嘅嘢，因为而家好多唔同嘅媒体都有佢哋嘅制作，都想出去吸收下人哋（经验），望下出边嘅世界啰。”

外闯不合适或再返无线

美仪离开TVB需要不少的勇气，她自认现时还有气有力，所以都想出去闯一闯，尝试一些新事物：“我经理人畀好多信心我，佢话唔使惊啦，我哋两个一齐去闯呢个江山啦，就算你闯完你都系觉得唔适合，你返番TVB都唔系一个问题，我都觉得呢个Advice唔错，咁我同TVB有共识嘅，就呢几年都拍住部头先啰。”

离开TVB之后，美仪姐在拍剧、接洽工作上能掌握主动权，自由度大了好多，在工作的安排上都会方便好多：“譬如我经理人出去跑完之后，结果同TVB撞期，咁会忟㗎嘛，好激气，不日调返转啦，我哋出去跑，你啱时间OK嘅，咁我返番嚟拍，我其实想咁样。”

走访大马街市开眼界

美仪姐有份拍摄的TVB生活资讯节目《街市游乐团》，受到观众的热烈回响，更冲出香港，去到大马拍摄。现在内地都有不少真人Show的节目，美仪姐表示自己都有兴趣参加，无论拍摄的每一个角色或者节目都是一种人生经历：“今次我哋去咗马来西亚，先发觉呢个世界这么大，你真系好多嘢都估唔到，譬如马来西亚嘅街市佢净系开上昼，下昼唔开嘅，同埋佢哋冇新鲜鱼卖，咁所有嘢都要去到，你要见到先知。”