江美仪是非多以为无缘提名视后　否认态度差：我执着唔系想人难受

自从TVB公布颁奖礼部分入选名单后，一直引起了广泛讨论。视帝之中，马国明与王浩信的呼声最高；不过视后就有好多选择，竞争非常之大。有份争视后的江美仪，早前在电台接受访问，重提自己在2017年有不少是非，一度以为自己没有机会入围，直头“玩完”，所以见到提名很惊喜：“我其实真系冇谂过㗎，当时我真系好激动，实在发生太多事，我以为玩完㗎喇…之前畀人话我嘅态度，又停厂喇，其实当时个个都唔睇好呢套剧㗎，又唔知会唔会播呀，算喇！有一堆好负面嘅新闻，唔关我事又入我数，真系难为了家嫂，都谂住玩完喇我。”就算今年《亲亲我好妈》收视劲过重头剧《不懂撒娇的女人》，江美仪直言只得三日鲜：“个热潮会过㗎嘛！过咗两季，就会冇人记得。”

得到提名，江美仪心情一直都好激动，由公布提名到TVB联欢晚会两天时间，她终于忍不住来个大爆发：“见到咁样，就觉得原来自己做嘢都唔错㖞，谂到呢到就好感触。”但知道竞争很大，于是忍不住在台上讲感言：“未必有机会讲㗎嘛，竞争咁大，讲定先，实冇蚀呀嘛！”其后，江美仪间接回应负面新闻，她执着的态度有时会让人误会，“其实想畀大家知，我一直以嚟都保持自己演出嘅质素，一定要做得好，呢个系我招牌，而我有时嘅执着同坚持，唔系想令大家难受，我只系想保证出到嚟嘅嘢系好。”不过，讲完一大轮，江美仪有份被提名都想攞奖，实属人之常情，“其实都系为TVB挽回少少士气，因为咁多胶剧，有一套可以咁高收视，自己都争返口气。当然拎埋奖就圆满喇。”