【美女厨房】首集网民劣评大嗌换主持 萧正楠：我唔系咁易放弃
撰文： 林迅景
出版：更新：
《美女厨房》第1集播出后，网上一遍嘘声投诉3位主持功力不济，更有不少讨论区留言要求换人。萧正楠接受《香港01》访问时说：“唔可以咁样嘅，即系，即系，即系我我唔系一个咁容易放弃嘅人啰。除非公司唔使我拍，如果唔系我会加油好坚持。”
作为主持之一的萧正楠出席《宫心计2深宫计》播放量祝捷会时表示：“其实我都未睇网上留言，所以未太清楚。不过都系预料之内，因为一部咁经典嘅综艺节目，隔9年再播，大家会好有期待，所以我都知呢个系困难中嘅困难。”
萧正楠又笑说：“夏日炎炎，当俾啲欢乐大家。我都唔预期可以再创高峰成为经典中嘅经典，我哋真系想拍个节目大家开心下。第1集嘅问题我谂观众睇到之外，其实我哋都留意到，所以第2集开始我哋已经改良咗好多，希望大家见到啦。”萧正楠回顾第1集，亦发现不少需要改进之处。“其实我真系做主持初哥，我都系跟紧农夫吖，阿Bob佢哋学嘢，点样可以令到观众笑，好彩第1集揾到佢哋一班劲嘅主持，仲有Tony（洪永城）。其实第2集我都放咗啲，起码讲嘢方面有新睇法。”