【美女厨房】萧正楠错怪黄翠如煮饭差　有港姐仲离谱：喺厨房癫咗

《美女厨房》新一辑将于6月2日首播，系咪又兴奋又期待呢？今次节目玩法与以往旧几辑亦都差不多，一样有女艺人上阵炮制美食。不过不同的是，男主持方面就换了全新班底，改由林盛斌（Bob）、萧正楠以及张振朗上场做“白老鼠”试食。今日《美女厨房》美女学徒首登场的记者会上，萧正楠以及张振朗接受了《香港01》访问。2位谈到试食环节时，都表示“一额汗”，萧正楠更说：“分生熟𠮶下真系大获，要我哋食生嘢呢，真系攞我哋条命。”

想睇18位美女学徒的话，可以click呢度：
【美女厨房】一文睇晒5位素人美女 打碟DJ洛儿随时系全场最靓

萧正楠、张振朗续说：“萧正楠：我宁愿啲嘢食㶶嘅就唔好生啰。张振朗：唔好跣我哋啰，㶶㶶哋可以倒咗吖嘛，生生哋食落去唔知生熟㗎嘛。（宁愿食㶶到成旧炭咁定全生嘅？）萧正楠、张振朗：食㶶嘢！㶶嘢都系致癌嗜，哈哈哈。㶶嘅可以用筷子夹走吖嘛，起码熟咗先会㶶㗎嘛。”

萧正楠讲到咁怕食生嘢，如果系女朋友黄翠如煮生嘢俾佢食，又会点呢？萧正楠说：“做完呢个节目，我发觉我错怪咗佢，我郑重同你讲对唔住，原来你煮嘢食系唔错嘅。我都冇谂过咁多女艺人直情系离谙㗎，直头系乱嚟。你见佢平时拍戏好优雅好靓，佢喺个厨房系癫咗。（系边个？）唔讲得㗎，要出咗街先知。（形容下？）选过港姐，合作过嘅。（最近几届？）系最近几届嘅。”拍过剧，又同萧正楠合作过，还要是最近几届的香港小姐。到底系黄心颖、朱晨丽、陈凯琳定刘佩玥呢？