【深宫计】陆诗韵宋王妃之死：简直可惜，戏份可以多啲

过往出席活动，陆诗韵都会畀惊喜大家，但今晚（31日）诗韵出席酒会活动，就著得较为保守，诗韵笑言：“其实著潜水衣都可以好性感⋯哈哈！著性感啲，要留畀啲后生嘅，我哋呢啲露下背、露下只脚就ok嘅。”

陆诗韵凭《深宫计》“宋王妃”一角，令观众留下深刻印象，剧中宋王妃好霸道又快死，诗韵笑言：“觉得自己在戏中咁快死，简直系可惜，戏份应该可多返啲，依加街上啲人见到我，连小朋友都叫我做宋王妃，但佢地并唔系讨厌我，唔系觉得我好霸气，原来诗韵姐姐你识演戏㗎，可能我本身好少演戏，所以佢哋话可唔可以多啲戏份。”

此外，诗韵近日接洽多套内地古装剧，故事内容讲述自己穿越时空，由古代去到现代，饰演一名歌妓的她，到最后都要死。多咗咁多演戏机会，会唔会加片酬？诗韵坦言：“唔敢谂酬劳，因为我觉得系一个机会，今次有份演出咁大嘅剧集，知道好多人想参与，而自己能够置身在剧中，我感到非常荣幸。”