《美女厨房》麦明诗称厨艺了得：前男友食咗我煮嘅饭就一齐咗

TVB人气综艺节目《美女厨房》的全新一辑正在拍摄当中，而今日一众美女厨房嘅美女都现身为MV拍摄，艺人出席方面有：高海宁、陈凯琳、蔡思贝、麦明诗、张宝儿等。以前嘅《美女厨房》都出咗唔少出色嘅“地狱厨神”，今日访问中问到麦明诗会唔会成为新一代“地狱厨神”，佢就话：“以前读书就喺外国读书，都要研究一啲食谱，中菜自己都拿手，例如虾、鸡、鱼等。”咁Louisa咪好多人争住食佢煮嘅𩠌？Louisa笑住回应：“紧系啦，排哂队......不过排住去厕所。”

咁女士们学煮野食唔多唔少都会用嚟冧另一半，Louisa都唔例外，但唔知道佢嘅前男友试完畀咗咩意见呢？Louisa直言：“佢紧系话好食啦，以前未同男朋友一齐嘅时候，仲暧昧紧𠮶时我就煮咗一个瑶柱蛋白炒饭，跟住个两个礼拜我哋就一齐咗啦。”讲到呢到Louisa就比咗个手指公岀嚟，睇嚟佢对自己嘅厨艺真系好有信心，唔知到时候佢节目播岀后，大家对佢嘅厨艺系咪都一致赞好呢？

而《美女厨房》对大家嚟讲，究竟系睇美女定睇佢地厨艺呢？Louisa自嘲说：“其实美女厨房系睇美女而唔系睇厨艺，讲到美女呢方面自己就有少少比下去啦，因为佢地都好靓女。”Louisa唔好感觉其她美女比你更靓，因为小编已经觉得妳好靓。