【深宫计】马浚伟指今次对白好深 胡定欣：配音时心谂点会记到
撰文： 赖家杰
出版：更新：
《宫心计2深宫计》呢晚首播，一众主要演员相约一齐睇首播，包括：胡定欣、刘心悠、马浚伟、马国明、萧正楠、黄心颖等半百艺员都有出席。马浚伟及胡定欣更表示已经急不及待想睇大家嘅成果：“其实上年大家都辛苦咗5个几月，想知岀嚟成果系点，中间更有段时间上咗横店，横店一系落雨，一系就好热，其实真系好辛苦。”
但古装剧嚟讲最辛苦莫过于背台词，其实系咪都会考起两位呢，定欣就话：“我哋配音时已经感受到，我望住电视机已经心谂，我哋点会记到同讲到出嚟，对白嚟讲真系对我哋好大挑战。”马仔更讲到今次对白虽然深但大家会明白：“反而自己好期待今次观众睇到我哋嘅制作，跟以前TVB一贯嘅拍摄方法系会唔同。”
【深宫计】周秀娜被无线封杀宣传冇影 连官方Trailer都无份出镜【深宫计】胡定欣饰演皇后系好时机：个人大咗又成熟咗
胡定欣近几个月一直都忙于拍剧同彩排舞台剧，对于热爱运动嘅佢因为太忙而冇时间做操练系一种痛苦。日前定欣就喺自己社交平台，讲到自己两个月来冇做运动，相中仲见到她大晒腹肌，定欣对于大家咁热烈支持佢嘅腹肌都深表多谢：“两个月无时间做运动，所以今日教练都捉住我讲好耐冇见，要快少少返嚟训练，因为自己都希望抽时间做多少少运动应付舞台剧嘅演出。”在旁嘅马仔更笑住讲定欣操到咁Fit，打算再加重佢工作量。