《宫心计2深宫计》罗霖呻对白难读 9年前《宫心计》易好多？
撰文： 关颖贤
出版：更新：
《宫心计2深宫计》星期一(5月21日)首播，有唔少网民都好期待，虽然今次冇佘诗曼、杨怡，但有胡定欣、刘心悠、周秀娜等演技派靓女坐镇。早前有份参演嘅罗霖接受访问𠮶时，曾话过对白好多都系古代对白非常难记，加上隔咗20年再拍剧，第一场戏对住马国明同萧正楠吓到唔记得对白。谂返起9年前《宫心计》嘅对白都唔系好难啫，而家就同大家重温9年前《宫心计》嘅经典对白啦！
由佘诗曼饰演嘅刘三好：
“做好事、说好话、存好心。”
“苦中一点甜。”
姚金玲系由杨怡饰演，本来由心地善良慢慢变到狡诈阴险，啲对白全部都mean到入肉！
“我就要你死先过我！”
“棺材也睡得舒服，你不进去睡？”
“打你咪打你啰，使咩拣日子啊？”
“本宫输比你，完全系因为个‘运’字！”
“本宫每日见到皇上同太后视你如珠如宝，对你个肚呵护备至，本宫真系想一棍打落去！”
姜系越老越辣，由谢雪心饰演嘅郭太后笑里藏刀，佢个笑容都几心寒。
“姐姐想借妹妹你个人头一用呀。”
由米雪饰演嘅钟雪霞：
“杀人又哭坟，佛口蛇心。”
“自身不正，如何正人？”