【超级绿叶】李鸿杰离巢北上仲好捞 ：拍3日已经够使2个月

近年真的愈来愈流行看旧剧，《刑事侦缉档案》《真情》《男亲女爱》等剧中的演员演技，真的会令人看到拍案叫绝。不过牡丹虽好，都终须绿叶扶持，其实绿叶之中都不乏唔少“影帝级”的资深演员，就好似在1997年《天龙八部》中饰演四大恶人之首“段延庆”的李鸿杰（杰哥）（英文名：Bruce Li）。

唔讲唔知，其实李鸿杰 （Bruce Li）已经入行超过20年，大大小小参与过的剧集真系多如沙数。李鸿杰（杰哥）接受《香港01》访问时说：“94，95年喺TVB𠮶时都1年有3，5套剧系重戏。不过我最钟意嘅都系柴九𠮶套（巾帼枭雄）入面知院林大人个角色，《公主嫁到》个角色都好多人讲起㗎。”当然，仲唔少得《天龙八部》的“段延庆”。杰哥表示，在中国大陆工作时，仍然会有人因为“段延庆”而认得他，更因此而帮他得到不少工作机会。

虽然大家对李鸿杰的印象是一名资深演员，但原来最初时杰哥是以舞蹈员身份加入TVB，其后更为多个大型活动编舞，包括1978年丽的电视的“电视先生”。直至1979年离开TVB。“𠮶时香港好蓬勃嘅，有海城酒楼，有海洋酒楼，同时我亦都有帮亚视排舞，仲有夜总会排舞呢，𠮶时好多歌星都喺出面走埠，都好多人揾我排舞。”及后，杰哥就顺应新加坡广电局邀请而到外地发展。“其实最开始系喺新加坡就开始拍戏，哈哈，所以变咗我一开始就系做有角色嘅戏啰。”

其实杰哥在95年左右就由新加坡回流回港，之后再回归TVB成为演员。杰哥：“其实做咗演员之后都仲有排舞，不过就少咗啦。”时光真系过快，杰哥一拍就已经拍咗20年：“呢20年嚟喺TVB其实我使用率好高，数过其实我做过有角色名嘅，一年平均都有42套，即系我已经拍过800套剧。”其后2009年王维基宣布开台HKTV，当时更邀请了李鸿杰过档发展。谈到当初到HKTV的原因，杰哥说：“一来可能你都听过，TVB份人工唔够人哋糊口㗎嘛。（我听过后有后生演员月入7千）系啰，我哋啲老嘢咪最多多一倍，咁唔系好够用㗎嘛。二来其实当时王维基都好有诚意，我𠮶时其实仲有一年先完约，但系佢都肯等我。”

咁李鸿杰（杰哥）会唔会再打重算返TVB呢？他说：“其实当时HKTV冇做嘅时候，都有人接触过我。都唔排除会返去嘅，因为我同制作部关系都好好，大家都咁多年同事。宜家仔又大个，其实两公婆生活使费都唔多嘅。人就系咁样，人到无求当自福。你话我冇钱开饭，返去𠼮无线呢，就贱过泥，留返俾佢揾我啦，我谂边份工都一样㗎啦。如果我返去敲门就唔值钱，系咪？如果宜家有啲监制要用我嘅时候，我咪考虑啰。”其实近年杰哥在中国内地发展亦相当不错，除不时有商演接洽外，还会拍摄互联网大电影。杰哥：“时间就冇咁长，有时都系上去1个星期左右。（好唔好揾？）都OK啦，上去拍3日揾嘅钱，都够两公婆普通使2个几月。”唔知迟下仲有冇机会喺电视上见到李鸿杰佢呢？